陪返學 Day 1 @ 新學校

二零一五年二月二日      星期一

 

今日特登請假，陪彤彤返新學校，但早上起床時，已經 feel 到有點唔舒服，所以叫老公帶彤彤過去公公婆婆家先，我再去睇醫生，之後再帶彤彤返學~

 

我睇完醫生回來，公公婆婆已經幫彤彤換好校服，彤彤已經急不及待，係屋內行來行去，等我回來帶佢返學~

 

 

 

 

由於今日係新生適應日，所以插班生只需返 1 小時，家長亦可以一同陪同，我哋早了 10 分鐘到達學校，但唔可以入去住，要等到 1:45PM ，由班主任王老師出來接我哋先可以入去~ (原先今日仲有 2 個新同學的，但佢哋今日唔舒服，所以請了假)

 

 

 

一小時的上堂時間，都係帶家長同小朋友參觀下學校，同一齊參與唱遊堂，故事時間等等，所以好快就過了，彤彤亦樂於參與其中，放學時，老師仲送咗一包餅餅比彤彤添~

 

離開學校時，我問彤彤，返學開唔開心呀? 彤彤即時話開心呀!~ 媽咪聽到你咁講就安心喇，希望你會鍾意呢間學，因為媽咪好想你可以係呢間學校完成幼稚園嘅課程，希望你表現好 d，可以過到評估直升上 K1~