Disneyland (20150530)

二零一五年五月三十日     星期六

 

今日係迪士尼銀卡特選週末，當然想帶彤彤入去玩下啦，但彤彤尋晚仲有小小發燒 (另一個 post 再講)，所以都係等佢醒咗，睇下佢精唔精神先決定去唔去玩啦~

 

彤彤 8 點幾醒咗，我哋先比枝早餐奶佢飲，之後再同佢探下熱，無發燒 wor，而且都幾精神，所以就決定早 d 入去，快玩幾個鐘啦~

 



10:45am 已經到達迪士尼，天氣又熱又焗，仲要勁曬添，好彩我一早準備定每人一把芭蕉扇同埋太陽帽，估唔到咁早就已經幾多人下~



我哋第一時間去玩揸車，好彩只係排 30 分鐘度就有得玩~







 



 



 



 



 

彤彤同 Daddy 坐，我就坐前一架車，負責影佢哋~

 



 



 

玩完揸車，彤彤話好好玩 wor，仲係咁同車車 Say Goodbye 添~

 

之後就由 Daddy 陪彤彤坐飛碟，好彩只係排咗20分鐘就有得玩~

 



 



 



 

之後就去睇米寄金裝音樂劇，順便休息下涼下冷氣，睇睇下，彤彤同 Daddy 一齊肿著咗，咁我就一邊抱住彤彤，一邊影下相 lor~

 



 



 



 



 

 



 



 



 



 



 



 



 



 



 



 



 



 

睇完音樂劇，一出返戶外，彤彤就熱到成身都濕晒，唯有同佢除咗條裙仔，著返條短褲仔 (好彩我有帶定多一套衫出嚟)~

 

之後再搵個陰涼地方，比彤彤食下嘢先 (我帶咗通粉比佢食)，但彤彤無乜胃口，只係食咗幾啖就話唔食了，咁就由我食埋佢啦~

 

食飽飽後，我哋就去排多30分鐘，玩埋 Winnie the Pooh~

 

一路排隊無乜嘢做，就玩下自拍啦~

 





影影下，彤彤知我影緊佢，就係度整豬咀~

 



 





之後仲特登唔望鏡頭添~

 



 



 



 







 





排咗 30 分鐘度，終於有得玩，彤彤一路坐一路笑~

 





坐完全程仲想 Encore，但無理由再排過嫁，所以只係响度影張相就算了~

 



 



 



 



 



 



 



 



 





彤彤見到佢最愛嘅 Pooh Pooh，即時攬住佢~

 



 



 



 







行咗一陣 shop，我哋就係 3 點前離場，搭港鐵過青衣食 Tea~







等港鐵時，睇下彤彤個樣熱到呢..... 無晒心機咁呀~







不過佢都好識嘆下，伸高對手對住個風扇嚟吹~