PN 班下學期家長會

二零一五年五月廿二日     星期五

 

今日係彤彤的 PN 班下學期嘅家長日，我同老公依時到達學校 (通告講明不要帶埋小朋友出席)，由於上一位家長仲未見完，所以我哋就係小禮堂睇下 PN 班日常上堂時嘅片段先，都見到幾張相係有彤彤係度的~

 

睇咗一陣，班主任王老師就出嚟叫我哋入課室，同我哋講返彤彤平時上堂的情況~

 

王老師話彤彤好鍾意上唱遊堂，音樂一起就會拍晒手掌，仲都好主動出嚟跟音樂做動作~

 

另外，王老師話彤彤已經識得返學時自己放書包上架上，初初開學時，係唔肯做的，老師教佢做，仲會喊晒口添，而家已經有明顯嘅進步；另外就係食嘢方面，比初初開學時已經好咗好多，但仍有進步空間，同埋彤彤比較心急，次次都大大匙咁"筆"上嚟食，好容易食到成面都係，王老師叫我哋在家多點訓練佢~

 

大小肌肉方面都無大問題，只係撕紙條要在家多點訓練~ 另外，王老師話，初初開學時，彤彤試過自己拎一大盤玩具出嚟玩，但拎拎下唔夠力，成盤跌咗落地，佢就係度喊，自始之後就唔夠敢再去拎，老師就鼓勵佢拎細盤果 d / 老師同佢一齊拎大盤嘅，可能因為咁，佢嘅自信心有小小受損，老師叫我哋要多點鼓勵彤彤，同埋多點讚下佢~

 

而認知能力方面，王老師話彤彤專注力有點低，在課室坐唔定周圍郁，要減少在家睇電視/手機/平板電腦的時間，因為專注力低會影響到認知能力~

 

我哋見評估表內，王老師係認知能力果部份，都係 mark 咗三角型 (= 未能掌握)，就問下佢彤彤平時係點?

 

王老師話彤彤認顏色最叻，已經認得好多隻顏色，但交通工具/公園設施/動物/形狀/數字方便，老師上堂時問彤彤，佢係答唔到的，但我同老師講返，呢幾方面，平時在家，我哋問彤彤，佢係識答的，而且每星期派的字卡，彤彤回家後，我哋問佢，佢係講到比我哋知係乜來的，所以我哋估計佢係驚老師，所以唔敢答/唔出聲~

 

我哋大約同王老師傾咗 15 分鐘，之後就離開了~