國際博物館日 2015 - 科學館 + 文化博物館

二零一五年五月十六日     星期六

 

今個週未，係國際博物館日，去博物館可以免費入場，所以我哋都帶咗彤彤去唔同嘅博物館趁下熱鬧~

 

 

 

今日我哋揀咗去尖東嘅科學館同埋文化博物館，我哋先去科學館先~

 

嚟到科學館時，彤彤有小小眼瞓，但當我哋問佢想唔想同其他小朋友一齊玩時，佢即時成個精神晒，仲話要同小朋友玩添，所以我哋就帶佢上去頂層嘅遊戲區玩~

 

但由於我同老公今日都係著涼鞋，所以無著襪，所以我哋唔可以入埋去同彤彤一齊玩，只可以係旁聽睇住佢玩~

 

 

 

 

 

 

 

 

 

 

 

 

 

呢位媽咪好好人呀，抱彤彤上去個搖搖板度，同佢個囡囡一齊玩，仲幫手上下咁搖添~

 

 

 

 

玩完搖搖板，發生咗件小插曲，彤彤係度坐係一舊大海綿積木上玩緊，下面張相左手邊著黑衫的小女孩走埋去彤彤度，想搶舊大海綿積木嚟玩，初時彤彤唔肯落嚟，佢就推咗彤彤落地，彤彤起身後，就好快手咁打了佢額頭一下 (快到我哋都嚟唔切出聲阻止)，之後就話唔鍾意姐姐，再行開了~ (而果個黑衫小女孩先係好愕然，之後就按住個額頭，話彤彤打佢，但無人理佢，之後佢又再繼續自己玩了)

 

呢個時候，我哋就叫保安抱返彤彤出嚟，同彤彤講，雖然姐姐搶你嘅嘢同埋推你唔岩，但係你打人都係唔岩嫁，唔可以隨便打人嫁，彤彤似董非董咁話「唔好打人呀~」(我哋都唔知佢係唔係真係明)，講完道理後，我哋都唔比彤彤再入去玩，費事又比其他小朋友推佢~

 

 

之後我哋再去玩其他科學展品~

 

 

 

 

 

 

 

 

 

今年帶彤彤嚟，見到佢真係識識地點玩喇，好過上年好多，起碼知道可以點玩先，同埋佢開始覺得有趣~

 

 

 

 

 

 

 

 

 

 

 

 

 

 

 

 

 

 

 

 

 

 

 

原來科學館最底果層裝修過，展品同埋擺放位置都唔同咗~

 

 

 

 

行完科學館，我哋就過埋對面嘅歷史博物館行下~

 

由於呢個館之前都帶彤彤嚟過幾次，所以我哋好快就行完了~ 之後我哋仲行埋太空館，但果時彤彤已經瞓著了，所以我哋都無影到相~