媽媽咪咪嘉年華 2015

二零一五年五月九日     星期六

 

今日一早，我哋就過了油塘食早餐，之後就搭免費車去亞洲博覽館，出席一年一度嘅媽媽咪咪嘉年華，今年已經係彤彤第三次嚟喇~

 

 

 

我哋 10 點9 就到達了，但嘉年華要 11 點先開始，我哋就係門外排定隊等拎場刊同埋入場~

 

點解要咁早嚟? 因為我哋係網上登記咗 4 個親子活動，只係得一個抽得中，所以就要早 d 入場，希望可以拎到籌去玩啦~

 

 

一入場，先帶彤彤去搵佢鍾意嘅巧虎，因為網上抽唔中，我哋一入場就去排咗巧虎生活自小挑戰先，好彩即時有得玩~

 

但我想講 d 職員好似唔係好知巧虎係邊個，隻隻公仔都話係巧虎，拎住小花妹妹叫彤彤餵巧虎食嘢，攪到彤彤一頭霧水，周圍搵巧虎係邊，我見咁即時同彤彤講，你餵咗小花妹妹先啦，巧虎未得閒住~

 

 

 

 

 

 

 

 

 

 

 

 

 

 

 

 

 

玩完第一個挑戰，就要轉過隔離枱玩另一個挑戰，今日係帶小花妹妹去睇醫生 (但個職只仍然係叫佢做巧虎 ?!)~

 

 

 

 

 

 

 

 

 

 

 

 

 

 

 

 

 

玩完呢個 game 後，可以有巧虎貼紙，彤彤拎咗 4 張，3 張貼係自己身上， 1張貼係我身上 (算你有媽咪心啦!) ~

 

之後我哋就兵分 2 路，老公就帶彤彤周圍玩下 d 吹氣 game ，我就去唔同嘅親子活動排隊拎籌，之後我哋再會合返~

 

下面呢個大水泡好好玩，小朋友瞓係入面，再碌碌下咁玩，睇下彤彤玩得幾開心~

 

 

 

 

 

 

 

 

 

 

 

 

玩完大水泡，我哋就四圍行下，見到有得即場影 「尋找 100 分 Carnival Baby」 (因為我之前錯過咗網上報名) ，所以又叫彤彤去影下~

 

 

 

之後再影埋一家三口嘅剪影~

 

 

就去 A+ 嘅 counter 玩「A+有營 Baby Towel Candy 親子工作坊」，係職員嘅講解下，好快就完成到 (當然係我做啦) ~

 

 

張卡係我捉住彤彤隻手寫的~

 

 

 

 

 

 

之後再去玩「開心BB情迷手作DIY」，但彤彤只係整碎晒 d 泥膠，一 d 都無幫手整造型 lor~

 

 

 

 

 

 

 

 

 

 

玩完 2 個 game ，我哋就去睇巧虎唱歌跳舞，但果時彤彤有小小攰，所以要老公抱住，唔肯落地一齊跳~

 

 

 

睇完巧虎，我哋又帶彤彤玩下吹氣 game，食飽飽果然體力充沛~

 

除咗玩呢 d 咁矮嘅滑梯，彤彤仲主動要求要玩成 2 層樓高嘅滑梯添 (因為只係拍了片，所以無影到相)，佢唔單止唔驚，仲話好好玩，所以我哋比佢玩咗 2 次，好彩佢又無再要求再玩多次，因為都開始多人排~

 

 

 

 

 

 

 

 

 

 

 

 

 

彤彤話好驚呢隻猩猩 wor，所以要 Daddy 陪住佢一齊影~

 

 

 

之後就再去玩「寶寶掌印愛足跡」，點知排排下隊等入場時，彤彤已瞓著咗，所以我哋唯有輕輕力咁幫彤彤打手印，好彩無整醒佢咋~

 

 

 

 

後記：我哋唔小心整唔見咗彤彤個背囊，但又唔知係邊整唔見，所以去保安室報失，之後再搭車回家~ 回家後，去埋 Baby-Mo 嘅 Facebook 留言，好彩係幾個鐘後就覆返我，已經搵返彤彤個背囊，叫我哋明天去取回，真係好開心，同時好多謝 Baby-Mo 的幫手~