青衣城 Frozen ?! 都係去 Element 影火車算了~

二零一四年十一月三十日      星期日

 

原先我無打算帶彤彤去青衣城影 Frozen 的，因為我唔覺得果 2 姊妹有乜咁特別，又唔明點解咁多小朋友咁鍾意佢哋，但老公又話好似好 Hit 咁，不如去影下啦，所以我哋今日就特登搭車過去喇!~

 

落咗車後，仲要行一大段路先到青衣城，我哋就行海濱公園果邊過去，順便比彤彤係公園度玩一陣~

 

 

 

 

 

 

我哋仲帶咗枝泡泡槍出來，彤彤見到咁多泡泡，不知幾開心呀!~

 

 

 

 

 

 

 

 

 

 

 

 

 

 

 

 

 

 

 

 

 

去到青衣城，點知原來要排隊先可以入去影 Frozen，見條人龍都唔短，所以我哋就去食嘢先，再同彤彤行一陣街先去排啦~

 

 

 

 

 

原先以為食飽來排隊影相會少 d 人，點知仲越來越多人添，我哋都諗住照排啦，但有位職員同我哋講，而家開始排，要大約 3 個半鐘後先有得影，聽到咁講梗係唔排啦，最多係外圍影幾張就算了~

 

 

 

 

 

 

 

 

 

之後我哋搭 MTR 過了九龍站轉巴士，但諗諗下今日無乜影相 wor，見仲有時間，不如上埋去 Element 行下，睇下有無嘢影啦~

 

皇天不負好心人，真係有聖誕佈置呀，仲要整得好靚，又唔係好多人影，very good!~ 

 

 

 

 

 

 

 

 

 

 

 

 

 

 

 

 

 

影完相，我哋就搭車返公公婆婆家食飯了~