返學後第二次病到 + 結婚 5 週年慶祝 @ 九龍城廣場

二零一四年十一月廿八日     星期五

 

返咗 PN 之後，真係好易就病，上星期先病咗一次，好返唔夠 2 日，又嚟過~

 

之前已經係屋企附近嘅兒科，睇咗 3 次醫生，但都仲係成日流鼻水，又成日咳，所以今日幫彤彤 Book 咗法國醫院嘅兒科，希望會好 d 啦~

 

由於中午先打電話去 book，所以只係得返 Dr. Yip 5:20PM 有位，都無法啦照 Book 咗先啦~

 

所以今日就同早走 15  分鐘，趕過去法國醫院會合老公同彤彤~

 

Dr. Yip 話彤彤因為太多鼻水倒流，所以攪到成日咳，佢話要先止咗鼻水先，d 咳就會慢慢好~

 

Dr. Yip 仲話，佢而家咁多鼻水，建議我哋幫佢噴鼻，應該會快 d 好~

 

睇完醫生，就出返去等拎藥，彤彤除了傷風咳外，其實係好精神的，等拎藥期間，仲四圍行四圍睇嘢添~

 

因為都幾多人等緊，我哋都等咗超過半個鐘先有得拎藥，埋單 $326，同屋企附近嘅兒科收費差唔多~

 

 

 

本來尋日係我同老公結婚 5 週年紀念日來的，但彤彤唔舒服，我哋無出街食飯慶祝。今日咁岩出開來睇醫生，所以就帶埋彤彤去九龍城廣場果邊食飯，當補祝結婚 5 週年~

 

食飽後，我哋就係商場度影埋聖誕佈置先回家~