布甸家族 @ 新都城中心

二零一四年十二月十四日      星期日

 

今日 d 感冒好返好多，個人都精神返不少，但都仲有小小病病地，所以都唔敢去太遠嘅地方，所以近近地就去新都城行下街影下相就算了~

 

我哋大約2:30PM 去到新都城，點知有 Function 攪緊，影相嘅場地封咗，所以我哋就去行下街先，再去食埋個 tea 先再返去影相~

 

 

 

 

 

 

 

 

 

 

 

 

 

 

 

 

 

影完相，我哋就返去公公婆婆家食飯~

Snoopy Park + 新城市廣場

二零一四年十二月十三日      星期六

 

尋日開始大感冒，放工即刻返去睇醫生，食咗 d 藥，感覺嘅症狀舒緩咗不少，但就成日都想瞓覺，簡直係瞓極都瞓唔夠呀!~ 所以今日都係揀一 d 近近地嘅地方行下就算，咁岩屋企附近開了一條新嘅巴士線(88X)，20 分鐘就可以到達沙田市廣場，所以我哋今日就揀咗去沙田喇!~

 

到咗沙田後，我哋先去 IKEA 果邊行下先，之後就係 IKEA 食咗少少嘢，就出咗平台花園坐一陣，彤彤就四圍行下咁~

 

 

 

 

 

 

之後我哋就行返上去新城市廣場，先去 Snoopy Park 公園，比彤彤玩一陣先，之後就去行下一田同埋三期地下賣 BB 嘢果層~

 

 

 

 

 

 

最後就係新城市廣場影咗幾張相(今年唔係好靚，有少少失望)，就搭返巴士回家~

 

 

 

 

 

 

 

 

澳門行 2014 Day 1 Part 5 - 議事亭前地 + 大三巴

二零一四年九月廿九日      星期一 18:30 - 21:30

 

我哋由科學館搭巴士過去新馬路果邊，唔知係唔係遇著放工時間，架車勁多人，好彩仲有一個位，咁我抱住彤彤坐先無咁辛苦~

 

間車好快就嚟到新馬路，我哋沿住議事亭前場一直行入去，同埋附近嘅教堂，再行埋上去大三巴，晚上嘅景色好靚啦~

 

但天氣真係好熱呀，彤彤熱到好忟，成日扭計，又無啦啦係度喊，所以係呢度影出來嘅相，大部份都唔好~

 

 

 

 

 

 

 

 

 

 

 

 

 

 

 

 

 

 

嚟到大三巴山腳，原先唔想行上去的，因為太熱喇，諗住係山腳影幾張相就算，點知彤彤要求要行埋上去，我哋話唔行，佢就係咁係度喊，既然係咁，我哋唯有陪佢一齊行上去啦~

 

 

 

 

 

 

行完大三巴，原先諗住係附近食埋飯先返酒店的，但大部份都要等位，所以我哋就求其去麥記買 2 個餐，就搭巴士返酒店~

 

等咗成 15 分鐘先有車，點知架車爆晒，好彩有人讓坐，唔係我都唔知點抱住彤彤抱足全程 (大約 30-40 分鐘車程)~

 

彤彤就好瞓喇，由上車一陣就開始瞓，一路到我哋落車，再行埋幾個商場蓋印換禮物，再行返去酒店，我再放埋佢落床，佢都仲瞓緊~

 

返到酒店，一入房就見雪櫃門打開咗，枱上有 2 份餐具同埋一張生日卡，原來酒店已經送咗生日驚喜來了~

 

 

 

 

到我哋沖完涼，彤彤先瞓醒，佢足足瞓咗個半鐘呀，真係好瞓!~