Book Fair 2014

二零一四年七月十九日     星期六

 

返完 Playgroup，我哋就搭車過灣仔，向書展進發喇!~

 

點知去到灣仔 MTR 已經勁塞人了，之後好辛苦先迫到上天橋，行到一半已經見到有人排緊隊，心諗唔係掛, 呢度已經要排隊?!

 

好彩行前少少，有警察叔叔見到我哋推住 BB 車，就叫我哋行過佢果邊，佢開閘比我哋行特別通道，我哋都要差唔多 15-20 分鐘先迫到去場~

 

後來聽返朋友仔講，原來佢哋要係露天的地方，排個半至兩個鐘先入到場，好彩我哋帶埋彤彤先唔駛排咋~

 

 

入到會展，d 職員叫我哋行 3 樓兒童館先的，但我哋唔想買咗彤彤 d 書先，因為拎住咁重，實唔會想行成人館的，所以即時要我哋收起架 BB 車先比我哋搭扶手梯，我哋先要收，最多拎住行一少段路啫~

 

點知去到 1 樓，係門外竟然要排長龍等入去，正想行過去排隊時，好彩有另一位職員叫我哋行前少少，有特別通道可以直入，真係太好了，ha ha......

 

之後就開始行成人館，點知彤彤唔想坐 BB 車，但又眼瞓係度扭計，所以我就用孭帶孭住佢來行，等佢瞓咗先放返落 BB 車~

 

成人館行咗大約 2 個鐘，場今唔算多人，只係我哋推住架 BB 車，只能睇到邊位的書，好難推埋架車入去睇，所以只係買了一本書咋~

 

之後我哋就去了 Food Court 食飯先，呢個時候彤彤都醒了，所以就餵埋奶~

 

 

之後我哋就行今日的主菜 - 兒童館，一入到去，見到有間鋪賣 $5 一張貼紙，真係超低，所以即時買咗張比彤彤，睇下彤彤幾鍾意，雙手拎實，又係咁望住係下乜來~

 

 

 

 

買完貼紙，就正式出發行兒童館喇!~

 

大約行咗個半鐘，總算買到嘢比彤彤，行到10:30PM 我哋就離開，點知周圍都封晒路，要行多好多路，又要上落樓梯先可以行返去灣仔 MTR 果邊~

 

 

 

 

書展 2014 收穫唔算多，我只係買了一本書，老公直情無收穫，其他全部都係買比彤彤的~

另外，今年好好彩，行過 2 間shop抽獎，我同老公各自抽到大獎，分別係剃鬚刀同埋方包cushion~