游水水 Again @ 藍田游泳池

二零一四年六月廿二日     星期日

 

今晚約咗公公婆婆同埋一班親威去荃灣食飯，所以日間都唔打算出街了，一於就去屋企附近的泳池游下水啦~

 

未出發前，先要準備去 d 行裝，所以就放彤彤落架豬仔車都玩下先，我哋就慢慢執下游水的用品~

 

 

 

執好晒嘢，我哋就出發去游水喇，由 1:45PM 玩到 3:00PM 先走，上水時，彤彤又係度扭計唔捨得走，由上水一刻，一路扭到我哋 3 個都沖埋涼換埋衫，離開埋泳池先收聲，足足喊咗 40 分鐘呀@@

 

之後同公公講返呢件事，公公話唔好再帶彤彤去游水住，隔多排先再去玩，當係小小懲罰!~

 

回到家中，彤彤飲咗奶就極速瞓咗了，大約瞓咗一個鐘度，我哋就叫醒佢，出門口去食飯~

 

晚上食飯後，我沖完涼出來，見到彤彤住坐係個玩具箱，同 Daddy 一齊睇電視，乜咁樣坐會舒服 d 嗎?!