BB Shopping & Gifts

近排買咗都幾多嘢比彤彤，有玩具，有衫，有日用品~

 

1) 象印燜燒壺，搵咗好多間759 先搵到，點知買咗之後，象印竟然將呢隻款全線做特價，比我係 759 買仲要平多 $0.9 添，早知唔駛周圍問邊間 759 有貨啦~

 

2) 呢盒回力車仔好低呀，係千色店買的，一盒 12 架，都只係 $39.9 咋，係彤彤近排最鍾意玩的玩具之一，仲可以教埋佢數下數添~

 

 

3) 呢個又係好低，都係响千色店買的，原價 $289，而家特價 $139.9，不過暫時未拎出來比彤彤玩住，等佢大少少先同佢玩啦~

 

 

4) 呢個係玩具反斗城買的，原價 $599，而家做特價 $399，真係低，係朋友推介我去買的，雖然彤彤未夠 3 歲，但佢都已經可以玩到嫁，佢勁鍾意聽 d 音樂，又會係度認下 d 字母，趁而家做特價，未買嘅真係可以考慮買返張，聽聞太好賣，反斗城都成日斷貨~

 

 

 

 

5) 呢盒廚房玩具，係姑仔送比彤彤的，而家我哋放咗係我父母家，比彤彤日間時玩，公公婆婆話佢好鍾意玩呀，仲成日煮嘢比佢哋食添~

 

 

 

 

 

7) 早幾個星期 Bauhaus 官網做額外 21% off，加上本身已經做緊 6 折減價，再用埋東亞卡個 9 折 coupon code， 所以忍唔到手入了 1 個袋 & 1 個銀包，折完 $855.x，差唔多原價的三七折，真係超低~

 

 

8) 近排好多人推介的芭蕉扇，我都前後買咗 3 部，原先只係買一部自己用，用過之後覺得好正，所以就買咗一部比老公，另一部比我父母去街時用~

 

變形金鋼 @ 青衣城 + 超級無敵掌門狗 @ Elements

二零一四年七月廿日      星期日

 

之前一日去咗書展，回家沖涼洗頭後，攪到差唔多 1 點有多才睡，所以今日都差唔多 11 點先起床，但其實我仲未瞓醒的，只係比一隻爛瞓的豬仔迫埋來，攪到我差點碌落床@@

 

 

 

等彤彤都起埋床，我哋就出街了，今日去了青衣城，因為老公想去睇下 d 變形金鋼，所以我哋就陪佢去睇喇~

 

來到青衣城，先去食飯先，今次又係食越泰嘢，連彤彤都有份食 d 檬粉，仲食得好滋味添~

 

 

 

 

 

之後就行下青衣城先，見到有 d 搖搖車，有無其他小朋友玩緊，所以就比彤彤坐上去影下相~

 

 

 

 

 

 

之後就係商場行多陣，就落返大堂影下變形金鋼~

 

 

 

 

 

 

 

 

 

由於唔想行返過長青果邊搭巴士，所以我哋就搭 MTR 去九龍站，再轉巴士返去藍田~

 

去到九龍站，見到 Elements 果度有好多好得意嘅狗狗公仔，原來係超級無敵掌門狗，所以就同彤彤影埋相先搭車回家~

 

 

 

 

 

 

 

 

 

 

 

 

 

一放彤彤落地，佢就周圍走喇，有時真係追佢唔切，因為佢成日都行得好快~

 

 

 

 

 

 

 

 

 

 

之後我就帶彤彤去我父母家沖涼洗頭先，老公就拎晒 d 嘢回家後再過來~

 

洗完白白，彤彤就係度玩下玩具先，又掛住玩玩具，又掛住睇電視，真係好忙 lor~