Ocean Park & 皇室堡 & 世貿影相

二零一三年十一月十七日     星期日

 

今日無乜地方想去，所以我哋又去咗海洋公會，今日入去主力睇表演，同埋動物，無乜玩機動遊戲~

 

一入到場，見到有熊貓公仔係度同遊客影相，所以我哋都排埋一份~

 

 

影完熊貓，有另一位職員主動走埋來，話同我哋影全家幅，咁我哋當然話好啦~

 

 

之後我哋過咗去睇威威劇場，等開場時，彤彤等到有 d 悶~

 

 

 

之後開場後，彤彤睇見 d 海獅係度表演，睇得好投入，又開心，仲係度指晒手掌叫埋一份添~

 

 

 

 

 

 

之後過去隔離睇雀烏劇場，但彤彤好似興趣不大，只係周圍望下，無乜留心睇表演~

 

 

 

 

 

 

 

 

 

 

 

 

睇完表演，我哋係附近 d 檔口玩拋波遊戲，$50 有 12 個波，拋到入有顏色果 d 圈圈就有禮物，結果我哋中咗一個細獎同一個中獎，就係下面呢 2 隻公仔喇!~

 

 

 

之後都係周圍行下，睇下動物咁~

 

 

 

 

 

 

 

 

又去睇埋熊貓添，難得今日有一隻行出來，我哋當然即刻影下相啦~

 

 

 

 

 

 

根住就搭海洋列車上山，睇海獅，彤彤好鍾意睇呀，見到海獅就拍晒手掌同大叫添~

 

 

 

搭海洋列車落山時，因為勁多人，好多強國人打尖，我見第一部車爆晒，我都費事上，等第2部先上。咁我當時明明排頭位，但到上車時，我已變中間位了，一路排隊一路攝埋來，仲借 d 易撩彤彤玩來分散我注意力，到上到車，我正想坐下，但佢竟然拍我pat pat，話個位係留比佢朋友，頂!!!

 

我哋大約4:30PM 就離開，之後過咗去 CWB 行下皇室堡同 ikea ，見皇室堡有嘢又影下啦~

 

 

 

 

 

 

 

影完相就去行埋玩具反斗城~

 

 

之後見時間尚早，就過埋世貿果邊影下相，之後才返我父母家食飯~