嫲嫲過身了

二零一三年十二月十四日     星期六

 

由於我嘅嫲嫲係上月中去世，所以今日同明天就要做法事~

 

因為彤彤年紀小，所以我哋唔會帶佢出席，唯有將彤彤交比老爺奶奶照顧，彤彤仲同佢哋玩得好開心添~

 

於是我同老公就過去大酒店，點知到咗 7 點幾，奶奶打電話比我，話彤彤扭眼瞓，已經喊咗成個幾鐘，叫我哋快 d 返去接佢~

 

同老公商議後，打算老公返去接彤彤，我就繼續留係度，點知我父母知道後反對，叫我都要一齊返去接返彤彤，話彤彤呢個時候梗係想要痴住 Daddy & Mami 的，所以我哋即刻搭的士去老爺奶奶家，接彤彤回家~

 

點知就到嘅時候，奶奶打電話來，話彤彤扭到攰，已經瞓著咗，所以奶奶叫我哋沖埋涼先過去接返彤彤，比佢瞓下先~

 

於是我哋攪掂晒 d 嘢就過去接彤彤，大約9:30PM 就回家~

 

果晚咁岩10:00PM 度，將軍澳隧道撞車，d車塞到出彩虹同埋繞道，我父母 10:00PM 係紅碪上車，攪到12:30PM 先回到家，仲要塞到 12 點 3 先到觀塘，再改搭 MTR，唔係繼續係巴士等，都唔知幾點先返到家~

 

我哋就好彩 d，岩岩係撞車前坐車回家，唔係都真係唔知幾點先返到~

 

二零一三年十二月十五日     星期日

 

今朝一早就出門，要係 10 點前到達大酒店，而老公同彤彤就係附近茶餐廳等我，我自己一個人上大酒店~

 

嫲嫲嘅出儐時間係中午 12 點，大酒店樓下有旅遊巴送我哋到火化場，老公同彤彤就係呢個時間先 join 返我哋，一同出發去火化場~

 

所有儀式完咗後，就去食飯~

 

可能尋晚打怕了彤彤，佢以為我哋唔要佢，放佢係老爺奶奶度，所以今日勁痴我哋，唔肯比其他人抱，連我父母都唔肯，所以我哋唯有抱住佢 lor~

 

二零一三年十二月十六日     星期一

 

今朝如常返工前，帶彤彤過我父母家，但彤彤今日扭計，以為我哋又唔要佢，所以我唯有放半日假陪多佢一陣~

 

到下午我要返工，彤彤又喊過，我父母叫我照出門口，佢哋會攪得掂，結果都要氹咗成個鐘先收聲，真係陰公豬~

 

 

自己企

新排彤彤開始識自己企，有時仲可以唔駛扶住嘢都可以企到起身，仲可以企得耐咗，有時超過 1 分鐘先坐返低，雖然係遲咗少少，但總算係有 d 意慾肯去學企，加油呀!~

 

自己企係度睇電視，仲食手手添，No good!~

 

有一晚瞓到半夜 4 點幾，彤彤醒咗，仲企咗起身好耐，唔知係度望緊乜，張相係老公影的，當時我仲瞓緊~

 

 

 

奧海城 + Elements + 老爺 80 大壽

二零一三年十二月八日     星期日

 

尋日要返工，無得帶彤彤出街，所以今日補返數~

 

今日我哋帶彤彤去奧海城，都有成 3 年無去過呢個商場了，今日主要為咗個糖果樂園而來，好 Colourful 好靚，所以特登帶彤彤來影相~

 

 

 

 

 

 

 

 

 

 

 

 

 

 

 

 

 

 

 

彤彤好鍾意呢2棵會轉嘅聖誕樹，係咁一路睇一路笑~

 

 

 

 

 

 

 

 

 

 

 

 

 

 

 

 

 

原先打算回家休息一陣，再過去老爺家的，但老公話時間尚早，不如過埋 Elements 影下相，之後再回家，所以我哋又過咗去 Elements 影相了~

 

 

 

 

 

 

 

 

 

 

 

 

 

 

 

 

 

 

 

影完相，我哋就先回家，放低 d 嘢，再去拎蛋糕同買壽司刺身，就過去老爺家~

 

今日係老爺 80 歲大壽，原先打算出街食的，但因為細姑仔條腰岩岩做完手術，唔想佢出街食咁辛苦，所以我哋就決定係家中攪大食會，各人負責準備唔同嘅食物~

 

係度我哋一家三口，祝老爺生日快樂，身體健康，生活愉快，福如東海，壽比南山!~