V city

二零一三年八月三十一日     星期六

 

又到星期六，我同老公都諗唔到今日帶彤彤去邊好，諗諗下屯門開咗個新商場叫 V city ，不如就帶彤彤去下果邊啦，順便可以行埋屯門市廣場果間 Aeon~

 

因為老公話有 d 攰，所以我哋今日用 BB 車，但用得 BB 車，搭車就無咁方便，所以我哋選擇搭西鐵，起碼上落車都唔駛收車先~

 

大約 3 點幾到咗，V city 比我想像中大少少，但真係唔多岩行，似係專 for 自由人多 d lor~

 

行咗陣，我哋去咗紅螞蟻食 tea，份量比其他分店少，同埋地方好窄，坐得唔多舒服，所以我哋食飽就走，費事留咁耐~

 

之後再行下個商場，都係無乜嘢行，但就有 d 中秋節嘅擺設係度，所以我哋就同彤彤影下相~

 

 

 

 

 

 

 

 

 

 

 

 

 

 

 

 

 

影完相，原先想過去屯門市廣場果間 Aeon 度行下的，點知落大雨，所以我哋就搭西鐵走，早 d 返去我父母家食飯~