Frozen @ Megabox

二零一五年七月十二日 星期日

今日有親戚到訪公公婆婆家，所以我哋都要過埋去，幫手招呼下人~

之後就帶彤彤去行下街，見天氣都幾熱，天文台又話可能有雨，所以都係唔好去咁遠，揀咗去 Megabox~

去到先知，原來呢度有好多 Frozen 嘅佈置，有部份仲要比錢入場添~ (但真係太太太貴了，所以我哋無比入去，ha ha.....)

只係同彤彤影咗唔駛錢果 d~















我哋叫彤彤扮姐姐咁樣擺 pose，估唔到佢又跟得幾足 wor，ha ha....

















呢個佈景都要比錢先入得去影的，但我見其他人企呢個位影，d 職員都無出聲話唔得，所以就叫彤彤企埋去影~



影完 Frozen，又影下其他嘢~





原先係老公抱住彤彤影的，但彤彤話想自己一個影，激 c Daddy!~



影完相，我哋就係商場周圍行下，呢個商場勝在夠大，好多鋪頭，可以消磨幾個鐘，之後我哋就返去公公婆婆家食飯 lu~

言語表達課程第一堂 + Book Fair 2015

二零一五年七月十八日 星期六

之前係萬寧用積分換咗 2 張書展嘅門票，所以我哋今年可以免費入場，Yeah!~



今日一早先同彤彤去 CWB 上言語表達課程，今堂係第一堂，彤彤入課室後，我哋就去食 lunch 先，之後再接返彤彤~

接彤彤時，老師同我講返，彤彤好主動學習，仲唔怕生保，亦都好投入，只係唔太識同一句完整句子去表達自己，只識用單字/詞~ (其實呢個就係我比佢上言語表達課程嘅目的 lor~)

之後我哋就搭車過灣仔，向書展進發~

一如往年，我哋帶埋彤彤入場，可以行特別通道，行少好多冤枉路啦~

我哋大約 1:45PM 就已經入到去成人館，可能時候尚早，唔算好多人，亦都叫做有空間可以推住 BB 車慢慢行~













行成人館時，仲比我哋見到肥媽幫 Fans 簽名添~















我哋就由 1：45pm 行到 9：45pm，足足行咗 8 個鐘，剩係兒童館都行咗 5 個半鐘!!! 收穫尚算豐富 (佔咗 9 成係買比彤彤的)，埋單用咗 $3338.8，又幾好意頭 wor~

今年係書展訂咗香港版巧虎快樂版，唔再訂台版了，但 ABC Bubble Jump 應該都會再訂的~




















唯一一本唔係買比彤彤嘅書，係老公買的，而我就無收獲~

PN Class Last Day

二零一五年七月十五日     星期三


話咁快，彤彤就 PN 班畢業了，今日係 PN 班的 last day 喇!~

回想返上年 10 月的時候，仲好擔心無學校收彤彤讀 PN 班 (因為細 B 的關係)，到彤彤 2 歲生日前幾日 (11 月頭) 先搵到間學校收佢，仲要係一語境唔錯的學校添~

係呢間學校，其實返得幾好，可惜真係太遠，公公辛苦時(公公負責接送)，彤彤亦都辛苦，所以當時已經打算 K1 時會轉校~

估唔到今年 1 月頭的時間，竟然收到 call waiting 嘅電話，係屋企附近的幼兒園打嚟，話 PN 班有位，可以比彤彤係下學期插班，由於呢間係心儀幼稚園之一 (可惜彤彤考 K1 當日因為眼瞓唔多合作，只係 waiting offer)，所以即時 take 呢個 offer (但讀開果間學枚要賠返一個月學費，加上新學校又要買過晒 d 校服，前前後後都駛多成 6k)，當時無諗過原來讀呢間學校嘅 PN 班 (即使係插班生)，都可以優先升上 K1，一心諗住讀開嘅話，求位時會易 d 掛~

係我回覆學校後，老師才透露給我知，如果老師評估過無乜大問題，都可以優先升上 K1~

估唔到原來彤彤嘅 PN 班求學之旅，經歷咗咁多，轉眼間就嚟到 last day 喇，今日如常回校上課，老師會派發小朋友的物品~

我放工後，即時返去公公婆婆家，睇下彤彤拎咗乜嘢返嚟，估唔到係一大袋嘢，一件一件咁睇，都要用咗 d 時間先睇完~

首先係畢業相，估唔到 PN 班畢業都有畢業相，仲有個相架添嫁~



除咗上面果款，仲有另一款的，仲有一打細相跟埋~

但彤彤個樣，點解會影到咁男性化嘅? 仲好似嬲爆爆咁添~



PN 班畢業都有禮物收嫁~



仲有創校 50 週年的紀念品添~



我最期待收到嘅物品就係 -- 我的成長篇，老師好用心咁記錄低彤彤係學校時的生活片段~







仲有 NET teacher 同埋普通話老師對彤彤嘅評語，睇嚟彤彤係學校嘅表演都 ok wor~























彤彤 PN 班嘅畢業証書~



估唔到彤彤都分到個豬肉獎，我估計係佢上唱遊堂時好全程投入而獲獎 (因為之前班主任係家長會時，講我哋講過彤彤係唱遊堂時表現好好，仲好投入添)~

呢張係彤彤人生中，第一張夠自己嘅努力而獲得嘅獎狀，要好好保全先得，希望你可以獲得更多的獎狀，加油呀!~



呢個係之前衛生署同學校舉行嘅活動，鼓勵小朋友天天都要食水果~



仲有 PN 班下學期的成績表，班主任對彤彤的評語都幾好~



除上以上物品外，仲有一本「我的畫冊」~

對一個兩歲多一點嘅小朋友嚟講，見到佢呢本畫冊，我已經覺得畫得好好，起碼唔係亂畫一通，叫做「有努力控制」唔好畫出界，而且見到畫冊後期果 d 功課係有進步的，所以我自己覺得好滿意~