The Day before Long Weekend

二零一四年四月十七日     星期四

 

返埋今日工，就可以連放 4 日，Yeah!~

 

所以一放工，就即時返去我父母家接彤彤，之後就去街街~

 

唔知點解彤彤好鍾意搭港鐵時，要握住扶手~

 

我哋揀咗去 Popcorn，但我哋先去將軍中心食飯先，再慢慢行下街同影相相~

 

 

 

 

 

之後我哋過返去 Popcorn，行咗一陣 Uniqlo 同埋 Baby 反斗城，就去返中庭果邊影埋相，就回家去了~

 

 

 

 

 

 

 

 

 

 

 

 

 

 

 

 

 

 

 

扮嘢王彤彤 + 金句錄 (2)

先講扮嘢方面，呢排彤彤鍾意學嫲嫲擺一隻手係尾龍骨位來行 (因為嫲嫲腰痛，平時行路會放隻手係度來行)，彤彤扮出來真係好似嫁~

 

 

有時我哋係餐廳食飯時，想叫 waiter 埋來落 order，就舉高手叫人來啦，點知彤彤又跟我哋舉高隻手，真係勁攪笑~

 

除此之外，呢排彤彤開始學 Your Baby Can Read 內嘅小朋友係度做動作同埋跳舞，最鍾意係做 Head, Shoulder, Knee and Toe，有時又會做下返 Playgroup 時，唱歌時做的動作，總知就係無時停啦~

 

我哋又教識彤彤做 「扮 cute」嘅動作 (即一隻手指篤住個面珠)，同埋做「飛吻」，不過佢唔係次次都肯做比你睇的~

 

講完扮嘢之後，又講下平時彤彤最鍾意講的嘢，呢排出街見到人 (識同唔識都好)，都會主動同人揮手，再 Say Hi，仲要 say 完一次又一次，有時攪到人哋有 d 尷尬，應咗佢之後又唔知再應唔應佢好，ha ha....

 

飲奶時/食飯時，如果食飽唔想食，就同我哋講「唔要喇」，仲會講完即時丟咗枝奶樽落地，有時唔夠佢手快，會整到地上都有奶係度~

 

亦都學識叫「公公」，有時都叫到「婆婆」，不過唔係成日都肯叫~

 

平時彤彤係度扭計，我哋會叫佢「你好噪呀，唔好噪」，可能佢聽得多，有一晚佢係我身邊準備瞓時，突然係度講「好噪，唔好噪」，仲要講咗幾次，真係比佢激c~

Ocean Park (20140413)

二零一四年四月十三月      星期日

 

因為近排睇到廣告，話新開咗個海馬館，仲話可以親親海馬添，所以就帶彤彤入去睇下，但睇完後完全覺得無乜特別 lor，只不過係幾個魚缸，放咗 d 海馬係度~

 

 

 

 

 

 

 

 

 

 

 

 

 

 

睇完海馬館，就帶彤彤去玩旋轉木馬，又係老公陪佢玩，我就負責影相，今日唔係好多人排隊玩，只係等咗一輪就可以玩喇~

 

 

 

玩完旋轉木馬後，我哋就去搭纜車，今日又係好好唔駛排隊就可以去搭，good!~

 

 

 

 

 

 

 

 

 

上到山後，就放返彤彤落 BB 車 (因為佢都已經行咗成 2 個鐘了)，無幾耐佢就瞓咗，連最鍾意睇嘅海獅都無睇，直到我哋上巴士離開，佢都繼續瞓，一瞓就瞓咗 3 個鐘，到我哋返到我父母家食飯先起身~

19th Lesson @ Kiddo Zone + 葛量洪號滅火輪展覽館 @ 鰂魚涌公園

二零一四年四月十二日      星期六

 

之前係 Kiddo Zone 買嘅 12 堂 Package，今日係最後一堂，所以返埋今日就可以拎返張證書，但因為 d Staff 事前唔記得咗，所以要下堂先有得拎，唔緊要啦，因為我哋又買多咗 12 堂，今次彤彤會升班去 Stage 3，大個囡喇!~

 

講返今日上堂嘅嘢先，先來 10 分鐘 warm-up 時間，比各位小朋友玩下玩具，之後就係 clean-up 玩具~

 

 

今日彤彤唔知係唔係有點眼瞓 (因為搭車時佢係瞓緊的，去到 Kiddo Zone 樓下比我哋叫醒咗佢)，所以好似參與度唔太高，唔太想郁咁~

 

今日唱嘅歌有： Hello Hello Song, How's the weather, Days of the week, Shake Shake Shake, Head Shoulder Knee and Toe, etc.

 

之後就有 Drawing 時間, 今日係畫一齊用 d 紙杯去印 d 唔同顏色嘅圈圈出來，係所有小朋友一齊合作畫的~

 

之後就有 Story Time，Ms Agnes 今次係講一個 Bear Bear 熊嘅故事，但各位小朋友好似無乜興趣咁，個個都郁來郁去，無時停，ha ha.....

 

上完堂，我哋就搭車去太古，因為今日係鰂魚涌公園內嘅葛量洪號滅火輪展覽館開放日，所以就帶彤彤去睇下，點知去到勁多人，同埋好多活動已經派完晒飛，無得參加，所以我哋只係係船上行咗一個圈，影咗少少相就走了~

 

 

 

 

 

 

 

參觀完後，我哋就帶彤彤去鰂魚涌公園放下電，一玩就玩咗一個鐘有多，我同老公都要輪流出去陪佢周圍玩 (因為佢太好精力，Non-stop 咁四圍走動，一個人跟佢行太累了)~

 

 

 

 

 

 

 

玩完一大輪後，我哋行返入去太古廣場，彤彤一上返 BB 車無耐就瞓著了，我哋都趁呢個時候去食返個 Tea 先~ 

 

 

之後就去行下 Aeon，行去玩具部，彤彤好似知有玩具玩咁，自動自覺咁起咗身，仲想落地玩添，所以我哋就放佢落地玩下~

 

其實都好奇怪，我哋家中都有 Mega Bloks，但彤彤就唔鍾意玩的，但出街見到，佢又好鍾意玩，唔通疊上牆上好玩 d?