Jusco BB 衫大減價

二零一二年九月十四日 星期五

今日睇到 Baby Kingdom 有媽媽報料，話 Jusco 嘅 BB 衫大減價，由 $19.9 起至 $79.9，仲話有好多選擇添，所以放工即時過咗去黃埔 Jusco 睇下先~~

結果我去到睇咗成個半鐘，買咗 13 件/套衫仔，用埋生日全日折扣通，有多個 95折，都只係買咗 $302.2 咋~

 (70 碼哈衣 - $19.9 一件)

(80 碼哈衣 - $19.9 一件) 

 
(80(左) & 90(右) T-shirt  - $19.9 一件) 

(90 碼褲仔 - $19.9 一件) 

 
(80(左) & 90(右) 連身裙 - $19.9 一件)  

 (80 碼套裝 - $39.9 一套)

第八次政府產檢 (30wks2d)

二零一二年九月十一日 星期二

今日約咗 10:45am 返去 QE 做產檢，今日又係勁多人呀，但都叫做有位坐嘅~

見醫生前又係先驗小便，再磅重同埋量血壓，今日嘅血壓好靚呀，只係 127/61，唔知係唔係食咗降血藥的關係呢~ 呢 2個星期重多咗 d 呀，比 2 星期前重咗 0.7kg 呀，可能同呢 2 星期開胃咗有關~

雖然今日比較多人，但又出奇地，我等到 11:20am 就可以見醫生了~

今次唔係上 2 次果位女醫生，換咗另一位女醫生見我，佢都好有耐心咁幫我度下個肚同埋子宮的位置，又聽下阿 b 的心跳咁~ 

今日醫生仲幫我 check 埋阿 b 掉咗頭未 (上次去見靳醫生時，已經知道阿 b 掉咗頭的了)，check 之後，唔知阿 b 係唔係比人按咗幾下，有 d 驚，我見我個肚變咗形，個肚中間部份係隆起咗，而側邊部份就縮咗入去，成個阿 b 背部的形狀都現晒出來，好攪笑呢~

之後醫生問我食咗降血藥有無覺得唔舒服，又問我拎咗我在家量的血壓表來睇，話而家個情況好好，叫我要定時返內科覆診，之後問我有無其他問題，如果無就 2 星期後再返來檢查~

我就問咗醫生，話呢排恥骨同埋條腰都好痛，有無乜嘢運動做咗可以舒緩下，佢就寫紙比我去上產前運動班，叫我落 1 樓 book 期去上堂~

之後我再拎埋靳醫生執信出來比佢睇，話想拎返 d 報告，醫生即時問我係唔係打算係私家生，我話未決定，不過我估佢都應該估到的了，ha ha.....

之後佢就教我要去 E 座 1 樓 12 室到辦手續申請，先可以拎返 d 報告的，根住就叫我 book 埋下次產檢的期，再去辦手續啦~

出返去，就 book 埋下次產檢的期，之後就落咗 1 樓 book 期上產前運動班，但 QE 呢邊已經滿晒(因為要係 34 週前上最好)，要 transfer 我去九龍醫院上，有 2 堂要上，第一堂教產前誶動同埋按摩，第二堂就教分娩時的減痛方法，book 期果位小姐話，2 堂都最好叫埋老公去~

之後我就過咗去 E 座果邊申請埋 d 報告，點知勁多人，等咗成 4-5 個人先到我，原來份報告會直接 send 比靳醫生，唔會比我的，同埋唔駛收我錢，又幾好 wor, ha ha....

胎動

第一次 feel 到阿 b 的第一踢時，係大約 16 週度，當時唔太肯定係阿 b 踢我，只係 feel 到個下腹跳咗幾下，後來呢 d 感覺越來越多同埋明顯，我就知道應該係胎動了~

而明顯的胎動係由 20 週開始的，果時開始，日日都會 feel 到阿 b 的郁動，終於有好實在的感覺呢~

仲有就係，當我播 d 兒歌 or 胎教音樂的時候，阿 b 係郁得特別多嫁，仲好似係我個肚度跳舞咁, 睇來佢都幾有音樂同埋跳舞天份 wor~ 

到而家踏入 30 週，就日日都 feel 到阿 b 不停咁郁，有時仲幾大力添~

不過阿 b 好鍾意同老公鬥氣嫁，平時老公同佢傾計，阿 b 就會扮晒乖唔郁嫁，當老公塊面 or 隻手離開咗我個肚，阿 b 又會不停係咁郁，但當老公又放返隻手落我個肚度時，阿 b 又會再玩潛水，唔比老公 feel 到阿 b 的踢踢，真係激 c 老公呀~

早幾日 (7/9/2012)，老公又如常貼塊面落我個肚度同阿 b 傾計，不斷同阿 b 講你踢下阿媽啦，阿爸好想 feel 下你係點踢阿媽嫁，唔知係唔係阿 b 見老公咁有誠意，佢就一腳伸埋來我個肚度，連老公塊面都 feel 到阿 b 果一腳的威力，果刻老公開心到傻咗，係咁叫阿 b 再踢多次，不過阿 b 無再啋佢了~

葵芳 Carters 開倉

連續 2 個星期六都去咗葵芳 Carters 開倉，2 次都買咗嘢比阿 b，仲做埋會員，有新貨會用 whatsapp 通知我, 真係好~

第一次去買到的嘢: 

  (短袖及長袖的連身衣，分別係 $109 同埋 $129，再有 9 折，另送 2 條口水肩)

第 2 次去買到的嘢:

 (天鵝絨被仔，$128 再有 9 折)

(天鵝絨被仔，$128 再有 9 折) 

(毛巾料浴袍仔，$108 再有 9 折) 

(送咗 3 條口水肩比我，因為上次送咗同款，所以今次可以去換過另一款)

百靈牌耳溫槍

其實上個月已經想買，當時係 baby kingdom 有媽咪報料，話萬寧做緊特價賣 $455，點知諗住上網 check 下買邊隻 model 好 d，點知 check 完後，個 discount 就無咗，當時都好後悔，估唔到事隔 3 星期，萬寧又做返相同囓特價，即時去買咗先，仲用埋上個月買的 coupon 來比錢(當時用 HSBC 卡，係星期五至日買 coupon，有 40 倍獎賞錢回贈，為起即係 84折度)，計返即係 $383度，真係低到爛~

媽媽會入會禮物 Part 2

呢 2 個月又收到幾份媽媽會寄來的禮物：

(雪印媽媽會) 

(牛欄牌媽媽會) 
 

  (花王 Merries 媽媽會) 

 (Huggies BB 會)

  (美素佳兒媽媽會) 

 (Pampers 媽媽會)

Jusco BB Fair

二零一二年九月二日 星期日

今日去咗 Megabox 果間Jusco 掃貨，從未見過呢間分店咁多人的，寫單、排隊比錢同攪送貨，樣樣都大排長龍，結果由2點半，行到7點先行完~

今日收穫甚豐，買咗 Troll Nicole Cot BB床、床𥱊、BB車涼𥱊、P3的雨逢擋、2sets 替換的BB床笠、米色的Aprica Baby Swing 625、浴盆、花王NB尿片1包、Soft Touch 清潔棉、棉花、濕紙巾等等，買咗成7千蚊嘢，簡直大出血，不過阿B的用品應該準備妥當，唔駛再擔心仲有乜嘢未齊~ 

BB 床原先想買 Troll Bedside Cot 的，但 promoter 話安裝好麻煩，未必可以自己裝到，老公一聽到話安裝麻煩, 就話唔好了, 所以冇買到呢張，改為買返 Troll Nicole Cot~

不過個 sales 話，估唔到我識欣賞呢隻 model，唔係咁多人留意到呢隻 model 的好處， e.g. 2 邊床欄可以拆走，變小朋友床，有安 lock 係個欄度，又有 12 個高度調節等等~

至於 High Chair，原先想買 589 果張的，而家買咗 625 呢張，但老公話想阿 b 瞓/坐得舒服 d wor~ 真係估佢唔到，平時又話我樣樣買貴嘢，今次我想買平 d 果張，佢又話唔好~ 其實我覺得 2 張差唔多，只不過 625 多咗個腳套，餐盤大 d，同埋 4 個 "look" 都係 360 度轉到，而 589 得 2 個 "look"，可以 360 度轉，只係得呢 3 個分別，咁就貴咗 $800 了，不過佢都係為咗阿 b 著想啫，算啦~ 

BB 床、High Chair 同埋浴盆都無現貨，要訂貨等下一水船先有，所以應該最快都要 9 月尾 / 10 月頭先會送貨，其他果 d 就約咗星期二夜晚送來~

二零一二年九月四日 星期二

星期日係 Jusco 買的 bb 用品，有現貨嘅都送咗來了，送來時有 3 大箱貨呢~

第六次私家產檢 (28wks5d)

二零一二年八月三十一日 星期五 

今日 book 咗靳醫生 7:20pm 的，結果都要等到 8:10 pm 先有得睇~

見到靳醫生，佢就問下我有無乜嘢唔舒服，咁我就講返 QE 講邊話我血液中的尿酸有少少偏高，驚我係妊娠毒血症的早期徵兆~

靳醫生話睇我今日的血壓 (144/82) 都 OK，同埋我又無水腫出現，應該暫時唔係有呢個症，不過既然 QE 果邊話要 mon 緊 d，都係好事來的~

另外我同靳醫生講，呢排恥骨好痛，佢話因為阿 b 開始重，同埋個肚開始大，所以會聚住，有 d 人用了托福帶會舒緩到，但佢覺得作用唔大~

之後就叫我瞓上床上，睇下阿 B 先~ 

今次阿 b 又大隻咗了，仲追返上來，變成中碼 bb，而家 28wks5d 的重量有1248g，係屬於中碼，符合標準，不過靳醫生叫我唔好重得太快(其實我由有咗到而家，都只係重咗 8-9 磅咋)，因為我同老公都比較肥，阿 b 好大機會都會有 d 肥人的基因，擔心我到時難生~ 

(阿 B 係咁係度郁) 

 
(阿 B 的頭圍) 

  (阿 B 的肚圍) 

 
(阿 B 的大脾骨長度) 

 (阿 B 的腳板仔)

原先諗住今日可以見下阿B個樣，點知佢全程用對手仔遮住個樣，唔比我哋睇，靳醫生都已經好好人，幫我照咗幾次，又郁下佢，阿B都係唔肯拎開對手仔，激c我喇~ 

「精明媽 Me 孕育健康 BB」 講座的禮物

二零一二年八月廿九日    星期三

之前參加咗「精明媽Me孕育健康BB」講座，當時派咗張coupon要親身上智滙拎禮物包，初時冇諗過上去拎的，因為張 coupon 只係話得一份 soft touch 試用裝，同埋包被一張，都唔係咁吸引，後來係 baby kingdom 見有媽媽拎完話仲有2罐A+初生BB奶粉添，所以就今日請半個鐘假趕過海拎~

拎完之後，搭返過海巴士回家，點知勁多人，所以冇位坐，係呢個時候，有位女士拍一拍我，話個位比我坐，真係超多謝呢位好心人，等我唔駛拎住一袋嘢同手袋，再企成45分鐘先落車~

第七次政府產檢 (28wks2d)

二零一二年八月廿八日 星期二

今日約咗 11:00am 返去做產檢，今日勁多人呀，有 d 陪行的人都要企，我嚟咗咁多次，都係第一次試過咁多人咋~

見醫生前又係先驗小便，再磅重同埋量血壓，今日嘅血壓只係少少高，去到 144/82，但姑娘都叫我過 15 分鐘後再返去量多次，結果呢次唔知點解會好低，得返 99/58，第一次咁低呢~

另外，驗小便時，張蛋白尿的試紙的邊位有少少變色，但中間位又無事 wor，姑娘見今日咁多人，話算啦當無事啦，唔駛驗多次~

由於今日太多人的關係，要等到 12:15pm 先輪到我，足足等咗 1 個鐘頭 3 個字呀~

今次又係見返上次果位女醫生，佢好有耐心咁幫我度下個肚同埋子宮的位置，又聽下阿 b 的心跳咁~

之後就同我講返上次驗血同埋24小時小便化驗的報告，佢話應該唔係妊娠毒血症，因為 d 肝腎功能都一切正常，但血液中的尿酸有少少偏高，佢有 d 擔心係早期妊娠毒血症的徵兆，所以之後要跟緊 d，同埋要定期驗血~

由於之前量的 2 次血壓有好大的差距，所以醫生幫我即時量多次，今次就 148/82，高咗少少，但都可以接受~

另外我又問返醫生，上星期做果個耐糖測試的結果係點，佢好好人話比我知，空腹血糖係 5.0，而飲糖水後 2 小時的血糖係 7.6，所以係合格的，醫生話唔合格的數值分別係 5.8 及 7.8 以上~