3rd Lesson @ Bizzi Kids + 愉景新城書展

 

二零一四九月廿日      星期六

 

今日係第三堂喇，但我哋又遲少少出門口，攪到大約 1:35pm 先到達，好彩入到去課室仲未開始，只係岩岩開始 warm-up time~

 

 

 

 

 

 

 

 

 

 

 

 

 

Warm-up 完之後，就正式上堂，Ms Shona 同小朋友一齊唱 Good Afternoon Song, Hello Hello Song, Days of the Week, How's the weather, Musican Song, ABC Song 等，之後 Ms Shona 就拎咗 d 食物 Flash Card 同埋 coins 出來，教小朋友一齊數下有幾多個，同埋比 d coins 比小朋友，教佢哋要用 coins 來買食物，之後就分為兩組，一組做 Art Works 用紙碟整一條蛇出來，同埋要同條蛇油上顏色，另一組就玩 PlayDoh，之後再交換來玩~

 

去到尾聲，Ms Shona 就帶領小朋友們唱 Bye Bye Song，同埋吹 d Bubble 比小朋友玩~

 

放學後，我哋就去了愉景新城個書展，都有少少收獲，仲係 Chickeeduck買咗條冷裙比彤彤添~

 

 

 

之後就回家了，回家後同彤彤玩咗陣先幫佢沖涼~

 

 

 

慶祝老公(Daddy)生日

二雲一四年九月十九日     星期五

 

今日係老公嘅正日生日，首先祝老公生日快樂，身體健康，天天開心，仲有就係快 d 搵到份好工 (佢今日比公司裁員@@)~

 

今日因為要陪我媽去覆診，所以我就放了一日假，而彤彤就交比公公照顧，老公就返埋今日，之後就失業了~

 

覆完診後，我先去買了個蛋糕回家，再沖埋涼先~

 

 

之後我哋就同埋公公婆婆去飲茶，之後我就要去 CWB 拎 iPhone，因為好彩地搶到 2 部金色的 iPhone 6 16GB ，所以就好趕咁去拎喇，之後就即去先達放埋，月尾的澳門行可以 Free of charge 喇，Yeah!~

 

之後就返公公婆婆家接彤彤，去金鐘同老公會合，再搭巴士上山頂~

 

上到山頂，先去食飯，再係山頂廣場行咗一陣~

 

 

之後我哋就入去蠟像館，因為今日老公生日可以免費入場，同行者仲可以半價入場，而彤彤未夠 3 歲，所以唔駛買飛，但職只都有比一張飛比佢嫁~

 

今日我仲帶埋自拍棒入來，所以可以影下全家幅，但因為第一次用，所以影出來的相 d 角度有少少奇怪~

 

其他我同老公都唔係第一次來，所以我哋今次都唔係所有蠟像都有影相，只係揀 d 明星 / 卡通人物來影就算~

 

 

 

 

 

 

 

 

 

 

 

 

 

 

 

 

 

 

 

 

 

 

彤彤: 乜呢個姐姐個樣咁奇怪嫁? (呢個係 Lady GaGa)

 

 

 

 

彤彤真係好鍾意 Hello Kitty，睇下 d 相，同 Kitty 一齊影果 d 幾開心~

 

 

 

 

 

 

 

行咗差唔多一個鐘就出返來了，之後就係附近影下夜景就回家了~