Trial Lesson @ Bizzi Kids

二零一四年八月十六日     星期六

 

上 2 星期的 BB Expo 內，係等緊拎雅培隻熊仔的時間，見到有間 Playgroup 播緊段介紹影片，見到影片中的外籍老師好熟口面，好似彤彤初初係 Kiddo Zone 上堂時果位老師(Ms Shona)，係呢個時候，呢間 Playgroup 就有位職只行埋我身邊，原來係之前一位係 Kiddo Zone 做的職員，佢而家轉咗來呢間新公司做 -- Bizzi Kids~

 

佢同我講返，原來 Bizzi Kids 原先係 Kiddo Zone 係荃灣開的分校來的，但後來老闆想分返開 2 間公司，用唔同的方式去教導學生，所以就用咗新的名字了~

 

之後佢仲問我去唔去試下堂 (Free 的)，仲可以用 $100 hold 住個學費優惠，所以我當時就留咗資料，同埋比咗 $100 hold 住個優惠先~

 

今日就帶彤彤去試下堂先，先講地點，係荃灣 MTR 出來，行大約 5-10 分鐘天橋就到達門口，落雨都唔怕會濕身；至於環境方面，2 邊都差唔多大，呢邊有 3 個課室 (Kiddo Zone 得 2 個)，所以課室同埋比家長等候的地方細咗；星期六的幼兒課程由 Ms Shona 教返，佢係九龍塘的幼稚園教了超過 10 年，仲係唔同的幼稚園做過課程總監，所以對幼兒教育好有經驗，亦都因為咁，我哋佢哋都幾有信心~

 

 

先來 15 分鐘 warm-up 時間，小朋友各自各玩，唔太多交流，所以我同彤彤過咗去枱仔果邊玩~

 

 

 

 

Warm-up 完之後，就正式上堂，Ms Shona 先來自己介紹，之後就一齊唱 Good Afternoon Song, Hello Hello Song, Days of the Week, How's the weather 等等，彤彤不嬲有上開 Kiddo Zone 的堂，成日都唱呢幾隻歌，所以佢一聽到音樂，已經知道要做乜動作了，但我眼見其他小朋友同埋家長，好似唔係好知要做乜動作咁(可能佢哋岩岩來上堂無耐掛)，而 Ms Shona 又無特別講要點做~

 

之後再唱咗 Round and Round the Garden like a Teddy Bear, Row Row Row the boat, Driving Song 等，之後就由 Ms Shona 來扮廚師，係度煎腸仔，一路煎一路跌 d 腸仔出來，再叫小朋友執返比佢，一齊數下有幾多條，彤彤見 d 腸仔一路跌出來，一嘔係咁笑，睇得好開心，但其他小朋友又係無乜反應咁?!

 

最後一個環節係 Finger Paint，我幫彤彤用手指點 d 顏色，再引導佢印落張畫紙上面，就完成咗佢第一幅 Finger Paint 喇!~

 

上完堂之後，職員問我哋用唔用埋個優惠價報堂，我哋最後決定報 8 堂 (送多 1 堂)，承惠 $1380，雖然報 12 堂低 d (送多 2 堂)~

 

之後我哋就行咗去愉景新城食 Tea ，因為果度有巴士可以過灣仔 (入美食展，下一篇文再講)~

 

由於要等位，所以拎咗飛就帶彤彤四圍行下玩下先，等咗大約半個鐘就有位，食埋飯我哋就搭巴士過會展，向美食展進發喇!~