31st Lesson @ Kiddo Zone

二零一四年七月廿六日     星期六

 

今日係 last 一堂了，但我哋暫時唔打算再買堂住，一來覺得學嘅嘢好似分別唔大，二來又想試下其他 Playgroup，三來8 月份的星期六老公要返學，我唔想自己一個帶彤彤返 Playgroup 咁辛苦，所以都係休息返一個月先算~

 

今日如常地 2:30pm 就到達，先來 15 分鐘的 warm-up time ，之後就開始上堂了~

 

今日唱了的歌有：Hello Hello Song, Good Afternoon Song, Where is pointer, How's the weather, ABC Song, Row Row Row the boat, Byebye Song, etc.

 

另外今日 Mr. Daniel  教小朋友唔同的形狀，同埋顏色，仲有得玩 Playdoh 添~

 

 

 

 

 

 

 

 

今日上堂時，彤彤的一位女同學攬住彤彤，點知佢哋攬攬下，竟然頭撞頭，起初我唔知發生乜事的，我只係奇怪彤彤個同學仔，點解玩玩下突然係度喊，但彤彤又無嘢嫁 wor，仲係度繼續玩的，後來有其他媽咪話我知，先知佢哋頭撞頭，我咪抱起彤彤睇下佢點，又無紅又腫 wor，其他媽咪仲話彤彤咁叻唔怕痛添，我就講笑咁講話平時佢撞埋我度，我喊佢都未喊呀，佢練咗鐵頭功嫁，ha ha.....

 

上完堂，老公過來會合我哋，之後就去了荃灣，因為老公部平板又差唔到電，所以又拎返去上次果間鋪度叫師夫再跟一跟 (因為有一個月保養的)，之後發覺係個差電位仲有少少鬆，所以再拆出來燒一燒返緊就得返了~

 

之後就係荃灣行咗一陣街，就去食飯，之後就回家了~