Happy Friday @ Popcorn

二零一四年八月十五日     星期五

 

又到 Happy Friday，放工後就去公公婆婆家中接彤彤，之後就帶彤彤去 Popcorn~

 

因為家中的片片接近用晒，周圍的藥房又買唔到花王片片(因為彤彤晚上要用呢隻先唔會紅 Pat Pat，平時日間就可以用妮飄)，而普通的萬寧又無花王片片賣，所以就特登過去 Popcorn 果間萬寧 Baby 度買，好好彩地仲有 4 包大碼，我即買 2 包，之後又有一位媽媽來買埋果 2 包~

 

用埋之前買的有折萬寧 Coupon，為起仲平過係藥房買，大約平 $7 一包添~

 

買完片片，就去咗食自家烏冬，彤彤都有份食嫁，仲食得好滋味添~

 

之後就四圍行下，行行下，彤彤走咗去呢度玩，仲玩得唔捨得走添~

 

 

有乜咁好玩，因為企咗上去呢個「震撼體驗區」度，個地下會震的，彤彤玩得不知幾開心，係咁行下行落，又笑到咔咔聲，其他媽咪見到，仲話佢好鎮定添~

 

比佢玩咗大約 10 分鐘，我哋就抱走佢，費事佢玩得太癲，今晚發惡夢，當然佢係唔捨得走，仲喊晒口咁啦~

 

之後我哋同佢講，有其他嘢睇 wor，好得意嫁，佢先收聲咋，ha ha.....