二零一四年八月廿四日 星期日
彤彤咳咗 3 個星期有多，睇咗 3 次醫生，再加配多次藥都仲未好；亦都飲了 2 次猴棗化痰散都仍然有咳同埋痰，所以今日特登去買猴棗末去比彤彤試下，希望真係貴得來($180 一樽仔)，真係有效啦~
後記
神奇地，飲咗之後，彤彤真係無乜咳過，亦都唔覺佢有痰聲的出現~
之後兩日的便便內，真係如店員所講，會痾返 d 白白地的痰出來，真係貴得有道理呀~ Good!~
除咗猴棗末之外，我哋又係海港城行下街，見到 Chickeeduck 做 Final Sales 又入去睇下，結果就買咗下面 4 件衫喇 (Total: $717)~
左上：110 碼 - $199; 右上：100 碼 - $169; 左下：110 碼 - $189; 右下：110 碼 - $160
Shopping 完後，我哋就返公公婆婆家食飯了~
二零一四年八月廿三日 星期六
今日諗唔到去邊好，所以就帶彤彤去海洋公園~
我哋大約 3:15PM 到達，但人唔算多 wor，比起平時星期日來，星期六無咁多旅行團 wor，good!~
我哋先去坐纜車上山，唔駛排隊，一直行到上車位，先有一條小小人龍等上車，所以好快就上到山上~
之後就去睇企鵝，行經海洋列車果度，見到打晒蛇餅等落山，Oh my god!~ (好彩我哋唔係而家落車啫)
行到去企鵝館門口，大排長龍呀，仲要係排到出戶外，勁曬又勁熱 lor~
大約排咗 20 分鐘，就可以入到去睇企鵝喇，但由於太多人，我哋好難帶彤彤行入去睇，所以老公就比彤彤騎膀馬睇，彤彤見到咁多得意的企鵝，係度係咁笑，睇得好開心 lor~
但係 d 強國人真係好無禮貌，當時彤彤騎住膀馬睇企鵝，我就企係老公隔離，先有一位強國小姐，一嘢就攝入我同老公中間影企鵝，我唯有行開少少啦，費事佢左迫右迫撞跌彤彤啦~
到佢睇完，我又企返係老公隔離，之後有一班強國小朋友撞埋來我度，想迫開我攝入去睇，好彩我當時有用手襟住玻璃定住個人，唔係我實比佢哋撞到再跌向老公同彤彤果邊，我當時真係好嬲，我即時罵佢哋：「你哋知唔知乜嘢叫跌序嫁? 見唔見到有小朋友係度，咁樣撞人法，如果撞跌其他小朋友咁點？」 點知佢哋扮聽唔到，仲係度繼續撞埋來，我又再大聲 d 罵佢哋：「你哋唔好扮唔明我講乜，係香港就係要守跌序，唔係好似你哋咁樣亂咁嚟，撞到人又對唔住都唔講聲......」我相信佢哋同行的家長知道我係度罵緊佢哋，佢哋就同班細的講，睇完未，睇完就走啦~
佢哋走咗後，我哋睇多陣都走了，之後去了北極館，但 d 動物無上水，所以睇唔到佢哋~
之後就行去睇海獅，但彤彤同隻海獅一樣咁瞓咗，唯有我哋自己睇啦~
之後就去睇埋鯊魚館，睇到最底果層，彤彤就瞓醒了，所以都比佢睇多一陣鯊魚先離開~
睇完鯊魚，我哋就去麥記食咗少少嘢，之後就玩下拋波波，仲中咗個細獎，係一隻 Cookies Monster 的公仔添~
拋完波波，我哋就去睇埋中華鱘，之後就去排隊搭纜車落山，都幾多人下，排咗差唔多半個鐘，但應該都少人過海洋列車的~
我哋都係第一次係晚上住纜車咋，估唔到又幾正 wor~
落咗纜車後，就係香港老大街影下夜景先，又有另一番風味~
今日最後一個利程就係海洋館喇，彤彤又係睇得好開心，睇到唔搭得走添呀~
大約 8:15PM 我哋就離開，之後搭629 出返金鐘，第一架車太多人，我哋無上，等下一班先上~
咁準備上車時 (我哋都排頭幾位)，突然排後我哋 1X 個位的人，係中間行出來上車，排前面的人又唔出聲，巴士公司的職員見到又唔出聲，我又忍唔住叫佢哋排隊，大把車駛乜打尖，結果當然係無人理我 lor~ (強國人真係...................... 唉!~)
二零一四年八月十七日 星期日
由於今晚會去九展食 Buffet，所以我哋下午先到 Megabox 行下街先~
彤彤見到咁多 Colourful 嘅 Candy Crush 佈置，就二話不說走過去行來行去，又四圍摸下咁，好辛苦先可以叫佢我哋影幾張相咋~
影完相，我哋就去行埋 ikea, Aeon 同埋反斗城，原先實惠個姨姨比咗個氣球比彤彤玩的，但佢跌咗幾次落地，所以我就唔比佢再玩 + 丟埋，點知我哋去到反斗城，佢見到 d Kitty 氣球，就扭 Daddy 買比佢，當時我行咗去另一邊，我彼到來見到佢拎住個波波，又唔肯放低，仲自己揀埋要邊款，無法啦，唯有買比佢啦~ 之後一路都要拎住，無再跌過落地，ha ha.....
係 Megabox 行到 5 點半，我哋就行過去九展，去 759 Baby Store 潮聖一下先，但有點失望，地方雖然大，但原來唔係全部都係賣 BB 嘢，只係得幾個貨架係咋，同想像中有少少差距 lor~
到 6:20PM 我哋就去拎位 (之前已 Book 位)，等埋大家來到，就食嘢，不過彤彤一早已經心急，係未齊人時，已經食咗少少海鮮弼喇!~
奶奶 / 嫲嫲生日快樂、身體健康!~
