Aquarium Town @ 沙田新城市廣場

二零一五年六月七日     星期日

之前睇網上的親子 Group 分享，話沙田新城市廣場有個大確水族館，仲話係「全港首個室內互動水族館裝置─Aquarium Town」添，所以就趁今日無乜嘢做，就帶彤彤去睇下啦~


點知去到，真係有點失望，現場只係放咗大約 10 個魚缸係度，仲要唔係好大個，D 魚仔要用放大鏡嚟睇先搵到，一大班人走埋去睇，左迫又右迫咁，我哋行咗一圈就走了~


至於果個所謂「互動水族館」，又係名大於實(入到去只係係 ipad 上寫自己名，之後條魚嘅身上有你的名，你可以係大銀幕上見到佢游來游去)，絕對唔值得排成個鐘入去玩~

戶外攝影 @ 迪欣湖 By JT Studio

二零一五年六月六日 星期六


上年响 FB 抽獎抽中咗個戶外攝影套餐的，一直都唔記得要約時間去影，拖拖下拖到差唔多一年限期都就到先記得，所以快手去 book，就約咗6/6/2015小一放榜呢日去影~


之前彤彤感冒+出玫瑰疹，病咗 2 星期，我幾驚影相呢日都仲未好返呀，好彩岩岩係影相前 2 日退晒疹咋~



到朝早起床時，見到天黑黑，幾驚要改期，好彩出門口前出猛太陽~　



彤彤: 大熱天時出街街，梗係要做好保護措施啦！~



我哋大約 1:45pm 就到咗迪欣湖，攝影師 Jacky 仲未到，所以我哋就係度四圍行下先~












































攝影師 Jacky 大約 2:10pm 就到了，先自我介紹一下，又同彤彤玩下 warm-up 下先，之後就出發去影相喇~


估唔到星期六下午嘅迪欣湖竟然無乜人，可能各位長家都心撃小一放榜啦~


我哋由2:30pm 開始影，係迪欣湖行咗一圈，再過埋去遊樂場影埋，好彩今日雖然比較曬，但好好風，所以都唔算好辛苦~


影咗個半個鐘(本身可以影2個鐘的)，由於彤彤好合作，所以已經影到超過500張相，我哋都覺得夠了，所以都唔再影了~


Jacky 因為有事做，就離開先，而我哋就留係度休息下先，順便買枝甜筒食下，彤彤見到有雪糕食即時走埋嚟~

 






































好鍾意呢張相，相中彤彤天然呆嘅表情，真係睇一次笑一次~



食完雪糕，再去埋洗手間，就搭車回家了~

可惡嘅玫瑰疹

可惡嘅玫瑰疹同感冒，攪到彤彤放咗 2 星期病假~



二零一五年五月三十一日     星期日

 

今朝起身，見彤彤成塊面紅晒，有紅點亦有一撻撻，一對膝蓋都係，我已經覺得佢可能出玫瑰疹~





 

*********************************************************************

 

點解我咁講? 事源 22/5 果日，彤彤開始有小小傷風咳，咁我比咗之前食剩嘅藥比佢食，佢都 OK 嘅~

 

一路至到 26/5 果日凌晨，佢有小小發燒，咁我比埋退燒藥比佢食，到朝早醫生開門就帶佢去睇醫生啦(打電話去比學校請病假)，食咗 2-3 次藥已經好返好多，亦都退晒燒~

 

27/5 朝早，見彤彤無再發燒，但仲有小小咳，所以就幫佢請多日假，等佢休息下，好返晒先返學啦~

 

當晚8 點仲去埋影牛欄牌廣告相添，當時彤彤都無乜事，只有幾聲咳 only~

 

點知會家後，沖埋涼，臨瞓前大約11點幾，彤彤突然發高燒 (39.6)，我即時幫彤彤塞咗塞肛退燒藥，再比埋退燒藥佢食，彤彤亦都開始無乜精神，同埋有小小扭計~ (當時已經係度諗，唔通影樓果度人多，多病菌，所以又發燒?)

 

28/5 當然全日都係發燒啦，38.x - 39 度陪迴，所以又要再請假~

 

29/5 朝早仲有小小燒 (37.9)，所以都無比彤彤返學，當日開始下巴有幾粒紅點，當時以為係熱痱，所以只係塗了小小 cream 就算~

 

30/5 朝早，彤彤面上多咗幾粒紅點，但唔係好多，加上天氣咁熱，都只係以為佢生熱痱，因為腳上都有幾粒，而且又唔係一撻撻咁，所以無諗過會係玫瑰疹 lor~

 

*********************************************************************

 

到咗今朝，彤彤面上好多一撻撻嘅紅印，一對膝蓋上又有幾撻，明知係玫瑰疹，因為幾日前試過發高燒, 退燒後就開始出疹 (回想返就係退燒果日開始有紅點)，但見彤彤個人好攰， 又忟憎，塊面又紅得犀利，所以都係帶佢去睇下醫生好 d (因為都驚我估錯)~



我 10:35am 打電話去法國醫院門診問今日有無兒科醫生，姑娘話差唔多 Full booking，如果要睇，就要 11:15am 前嚟到登記，所以我叫老公搭車出去登記咗先，我開埋奶比彤彤食，再幫佢換埋衫先出去會合佢~



我同彤彤 11:45am 到咗法國醫院，先去探熱同埋磅重，估唔到發一發燒，竟然輕咗 2 磅幾，得返 12.1kg 咋~



之後我問下登記果位姑娘，大約仲有幾多個先到彤彤，姑娘話起碼 20 個，叫我哋 1 點鐘度返嚟就差唔多，所以我哋就去食 lunch 先~



12:45pm 食完 lunch 返嚟，都仲有成 10 個先到彤彤睇，唯有係大堂坐下等下先啦~

 



 



 



 



 

 

 



 



 



 



 



 

 大約1:45pm 就到彤彤入去見醫生，醫生話彤彤因為之前感冒，低抗力低咗，比 d 病菌有機可乘去攻擊佢 d 皮膚，所以而家皮膚炎，但因為唔係好嚴重，返去食 d 抗敏藥同埋傷風止咳藥，再塗埋藥膏，應該 5 日度就會好返~ 

 

之後我哋就出返大堂，等比錢拎藥，但彤彤因為唔舒服，所以有 d 忟忟地，係度扭計，老公就抱佢去睇下魚魚~



大約等多 20 分鐘就可以拎藥，承為 $334~ 





 



 

1/6 面仔無咁紅，但手腳多咗好多紅點，一撻撻咁~ 今日彤彤好攰，但都算有精神過尋日，上午一教瞓咗 4 個半鐘，下午又瞓多 2 個半鐘，全日都好忟憎，又無乜胃口，希望快 d 發晒出嚟，快 d 好返~
  



 



 



 



 



 

2/6 面仔差不多退晒 d 紅點，腳仔都退咗一半，但手仔出多咗紅點，一對手臂都紅晒一撻撻咁~ 今日彤彤無咁攰，但都瞓咗 2 次教，上午瞓了 3 個鐘，下午瞓了 1 個鐘，開始有返小小胃口，亦都無前 2 日咁忟憎,希望快 d 好返啦~