13th Lesson @ Kiddo Zone + 動植物公園

二零一四年二月廿二日     星期六

 

今日又係去 Kiddo Zone 返 Playgroup，已經來到第13堂了，今日 Ms Agnes 無返，由 Mr. Daniel 來上堂~

 

又係先有 15 分鐘嘅 warm-up 時間，今日 Mr. Danial 拎咗好多玩具出來比幾位小朋友玩呀，仲有條 Tunnel 添，彤彤初時都無理條 Tunnel 的，但佢見另一位小朋友係條 Tunnel 求爬來爬去，佢又走去爬埋一份，ha ha~

 

 

 

 

 

 

 

今日唱咗好多首歌，分別有 Hello Hello Song, How is the weather, Five Little Ducky, Days of the week, Shake Shake Shake, etc. 另外今週的主題係 Construction，教小朋好多建築用的工具，又用水彩來晝晝，彤彤仲攪到頭髮同埋襪都有顏色添，真係比佢激 c 我~

 

上完堂，我哋就去食 Lunch，之後同彤彤一齊行去維園果邊搭車去動植物公園~

 

 

彤彤咁大個都係第一次嚟咋，但真係比以前少咗好多嘢睇 lu~

 

 

 

 

 

行到上山，有個兒童遊樂場的，咁咪比彤彤玩下 lor，彤彤見好多小朋友係度，仲主動同其他小朋友笑，但果 d 比較大嘅小朋友，唔多 so 彤彤不特止，有一兩個仲捉住彤彤隻手，唔比彤彤攪轉轉轉果個九宮格遊戲，我哋見咁樣，咪帶走彤彤，去另一邊玩 lor~

 

都唔明果 d 小朋友的家長，都唔好好睇住自己嘅小朋友的，見到咁的情況，都唔阻止，由得佢捉住其他小朋友隻手，唔比其他人玩，呢種行為好自私 lor，應該要教下嘛~ 同埋我係度見到啫，如果我唔係附近，都唔知會唔會推開彤彤添~

 

 

 

 

 

 

 

 

所以我哋都係選擇帶彤彤去另一邊玩好過~

 

 

 

呢張相彤彤個樣真係好攪笑呀!~

 

 

我哋大約5:30PM 就離開了，要行返落山都幾耐下，同埋條路都唔太好行，所以應該都唔會帶彤彤來住了~

 

 

Happy Friday Dinner @ Popcorn

二零一四年二月廿一日     星期五

 

又到星期五，嚟緊又有 2 日假期可以陪彤彤，真係好~

 

今晚放工後，我哋又去接彤彤一齊出街食飯，今次我哋揀咗去 Popcorn，貪果度近近地，又有好多 BB Shop，最重要係少人，岩晒彤彤係度慢慢學行~

 

食飽飽後，彤彤就好心急想落地行，但佢唔係想我哋拖佢行，而係佢想推住自己部 BB 車來行，我哋見佢咁想推，就幫佢 lock 咗 2個後 "look" ，比佢自己推住來行，咁就唔怕推得太快會跌到~

 

 

 

推住行咗一陣，我哋就唔比佢推，拖返佢行，費事佢阻到其他人，之後就帶佢 Baby 反斗城度玩下玩具~

 

 

 

係枱上玩咗陣，佢又想落地玩，所以我哋就放返佢落來，坐下車車~

 

 

 

 

 

 

之後佢見到一部學行車，同屋企果架一樣的，佢就唔坐車，扶住嘢行埋去推學行車~

 

 

 

我哋係度大約玩咗 20 分鐘度就走了，之後行多陣 Aeon 就回家了~

行街街 @ 黃埔

二零一四年二月十六日     星期日

 

今日無乜嘢做，原先諗住去動植物公園的，點知出門時天陰陰，我哋驚會落雨，所以決定改行程，老公就提議咗去黃埔~

 

其實黃埔呢個地方又真係幾好的，一來我哋一程車就到，交通方便，其次係呢度有 Aeon，又有一個商場係 for 小朋友的，所以好適合一家大細行~

 

 

 

 

 

係 Kid Zone 行咗陣，我哋就拖住盼盼行入玩具反斗城，可能呢排行得多咗，有時彤彤見到 d 玩具，會主動鬆開我隻手，自己扶住 d 架行埋去拎來睇下，又會自己襟下 d 制咁~

 

 

 

 

 

 

 

行完反斗城，我哋就去咗大眾睇下書，之後就係 McCafe 坐咗陣，就返我父母家食飯了~

 

 

 

迦南面試日

二零一四年二月十五日     星期六

 

終於都等到迦南幼兒園封面試信了，由交表到而家足足等咗成 4 個月，因為係細 B 關係，所以會安排係第二輪先接見~

 

呢間幼兒園係我最心儀嘅學校，好希望彤彤可以入得到，但睇返 Forum d 人講面試考嘅嘢，彤彤大部份都未識做，我都打定輸數，加上今年開始無學卷，話會加深課程，即係變相更加多人會報名~

 

收到面試信時，裡面仲有張問卷，有好多條問題要答，所以我都好用心咁慢慢作答，仲上埋迦南個網站度搵下料添，希望答得好 d ，會對彤彤有少少幫助啦~

 

 

 

 

今日我哋特登比彤彤瞓晏 d 先起身，之後就同佢沖埋個涼，特佢可以精神 d 咁去面試，我哋仲早咗半個鐘到達，就係門外 d 椅度坐下，等彤彤可以慢慢 warm-up 下先~

 

 

 

 

大約到面試時間前 10 分鐘就可以入去登記，再拎埋 Label，就可以去其中一間課室坐下玩下玩具~

 

之後就有位主任出來帶家長們行學園一個圈，同埋介紹下學校的設備，課程編排等等~

 

聽完介紹後，我更加鍾意呢間學校，彤彤入唔入到呢間學校，真係要睇下佢同呢間學校有無緣份了~

 

之後就到校長出來介紹收生程序，然後就比段介紹影片比我哋睇，再安逐一入班房進行一對一面試~

 

我哋帶彤彤坐下，老師先同彤彤打招呼，睇下彤彤識唔識回應，呢樣彤彤有同老師揮手~

 

老師拎咗幾個形狀物件出來，問彤彤形狀同顏色，當老師問彤彤邊隻係黃色，彤彤衫時係拎起咗黃色果個的 (我估佢撞彩拎中)，玩咗一陣仲拎埋個綠色的，之後老師叫佢比個黃色佢，點知彤彤 2 個一齊拎來丟老師 @@

 

之後老師拎咗個籃仔出來，叫彤彤 clean up 果個形狀物件，我即時係佢身邊唱 clean up song，彤彤即時逐樣拎起，再放入籃仔度~

 

根住老師拎咗個蘋果同刀出來，係彤彤面前做咗 2 次切生果嘅動作，再叫我捉住彤彤對手做 2 次，然後叫彤彤自己做一次，彤彤只係識拎住把刀敲個蘋果，唔識切~

 

老師收返埋個蘋果同刀，就拎咗碗、匙、牙膏同牙刷出來，問彤彤食嘢用乜來食，彤彤即時拎住個碗來玩，老師再問除咗碗仲有乜呀? 但彤彤都仲係繼續拎住個碗，之後老師比埋隻匙比彤彤，問佢點食嘢，彤彤拎住隻匙係個碗度 "畢畢" 下，老師叫佢食來睇下，彤彤無反應，再叫佢比媽媽食，又係無反應~

 

之後老師收埋個碗同匙，同彤彤用乜來刷牙，彤彤撞手神咁拎住枝牙刷，老師同佢 "jit" 牙膏，問佢點刷牙，彤彤係度上下 shake shake 枝牙刷 (呢個一定係撞手神中的，因為我哋無教過佢)~

 

根住老師話今日面試完畢，送咗隻 bear bear 比彤彤，之後就問我彤彤日常的嘢，例如識自己進食未? 同埋識表達自己未?

 

問完後，就話可以離開，走時叫彤彤要推返埋張椅同埋 say bye bye，彤彤先同老師 bye bye，再好似識識地咁推埋張椅，老師仲讚佢叻，識得換手推添 (佢其中一隻手仲拎住隻 bear bear)~

 

成個面見過程大約 10 分鐘度，加埋之前果 d 介紹同等嘅時間，就大約一個鐘度，都算幾快同埋流暢~

 

見完之後，我同老公都覺得應該機會不大，因為彤彤好多樣都做唔到，同埋迦南個要求真係有點高，無論點都好，結果會係 3 星期內收到，分別有 3 種信：有 Offer、Waiting，同埋 Reject，希望有奇績吧!~

 

面試結束後，我哋就去食飯，之後帶彤彤去公園玩，同拖佢行下咁~

 

 

 

 

 

 

 

 

係公園玩咗個幾鐘，我哋就離開，之後就行咗一陣街，食埋晚飯就回家了~

 

 

晚上回到家中，彤彤竟然自己企咗係度好耐，都唔駛住坐低，唔知關唔關呢排特訓事呢?