擒高擒低無時停

呢排彤彤真係曳咗好多，晚晚唔願瞓不特止，仲要周圍攪攪震，又擒高擒低咁，總之就係無時停啦，唉~

睇下下面呢幾張相，叫住佢唔好擒高，佢都唔聽，發現我影佢，佢仲對住我笑添，真係激 c 人呀!!!

 

 

 

 

 

彤彤被整蠱

彤彤被我整蠱，將床鈴個吊飾放上頭上，好似個苗族姑娘咁，ha ha......

 

 

 

親子王國 x Play House 親子玩樂 Summer Fun Party

二零一三年八月廿四日     星期六

之前係 Baby Kingdom 個網頭登記咗「親子王國 x Play House 親子玩樂 Summer Fun Party」活動，所以今日就帶咗彤彤出席。

呢個活動 $240 ，包 2 大人 1 小朋友，可以係 Megabox 果間 Playhouse 都玩 3 小時，仲包埋一人一個餐盒添，都算幾低的~

 

 

 

彤彤今日參加咗人生第一次爬行比賽，係劣勢下(其他 2 位參賽者比佢大個，同埋係男仔)，只係影相輸咗個馬鼻，未能獲獎 (學習褲一包)，不過唔緊要，都係志在參與，玩下啫，下次再努力 d!~

 

 

 

 

 

 

彤彤，你真係好大力呀，坐搖搖馬都可以整郁成隻馬?!

 

彤彤係波波池玩得勁開心~

 

第一次打鞦韆，彤彤唔驚不特止，仲好 enjoy 添~

 

彤彤玩呢隻馬仔時，唔小心跌咗落地，佢當然即時喊啦，正當我安撫緊佢時，有個哥哥 (我估歲幾 2 歲到)，走埋來拍下彤彤背脊，好似想呵返佢咁 wor, ha ha.... 

 

 

呢個小型 fitball，彤彤又係好鍾意玩，因為可以扶住來跳跳下，同彈彈下嘛~

 

 

小丑哥哥係度扭波波送比各小朋友~

 

 

彤彤睇住小丑哥哥扭波波，睇得好投入~

 

 

之前咪話彤彤喊嘅，仲有位小男孩走埋彤彤身邊，輕輕拍下彤彤個背脊安慰佢，就係呢位好 man 呀嘅小朋友喇!~
之後睇小丑哥哥扭波波，又見返佢，佢仲主動走埋來，係彤彤面前行來行去添~

 

呢隻兔仔係小丑哥哥送比彤彤的~

 

玩到5點九，彤彤放晒電，開始扭眼瞓，活動仲有 15 分鐘先完結，我哋就提早離場，等彤彤可以瞓返陣，佢一瞓就瞓咗個幾鐘，連夠鐘食奶都唔起身~

八卦 + 好奇 + 破壞王

彤彤呢排真係開始百厭，見到嘢就想拎上手玩，又成日丟嘢落地下，之後叫人幫佢執返上來 (通常叫公公執)，又鍾意撕爛晒 D 紙 / 紙巾~


開頭都好地地，坐係 Daddy 大脾上玩點虫虫的 (婆婆近排教佢玩的)~

之後發現放餐牌個 Stand，隻手仔開發去探索喇!~

 

最後仲想拉埋身體，好彩我哋及時阻止，唔係 D 糖包會跌晒落地 lor!~

 

之後回家想同佢一齊睇書書，我行開一陣，佢就將本書破壞成咁!~

 

 

 

爛瞓!! 超爛瞓!!!

彤彤真係非常爛瞓，晚晚都係我隔離 360度咁轉來轉去，令我晚晚都瞓得唔好，日日都好似未瞓夠咁，我就來癲喇!~ 

好似尋晚咁，彤彤瞓到成個人打橫晒咁，朝早仲用隻腳一嘢伸埋我個嘴度，即時痛到我醒咗，之後抱佢瞓返好~

而家日日都係勁眼瞓嘅狀態下工作，真係勁辛苦~

麵包超人餅餅初體驗

尋晚 (19 Aug 2013) 彤彤未夠鐘食奶奶，就係度扭食 (仲有成個半鐘先夠鐘)，所以我哋就比咗一塊麵包超人餅餅比佢試下，佢第一次食，就識得自己拎住塊餅餅，再放入口食添~ (佢仲未識拎住星星餅來食嫁)~


彤彤：乜嘢嚟嫁?

 

彤彤：媽咪，呢塊嘢食唔食得嫁?

彤彤：等我試下食唔食得先~

彤彤：e⋯咬到嫁wor~

彤彤：嗯⋯又幾好味wor~

 

 

 

 

玩具開倉 & Shopping @ H&M + Uniqlo

二零一三年八月十八日     星期日

之前朋友同我講中環間 H&M 結束營業，話所有貨品再有 7 折，所以就同老公過去睇下~

點知原來唔係全部貨品都係，只係 selected item 先有，所以都無乜嘢岩，只係買咗一 set Kitty 髮夾比彤彤 ($29.9)，但竟然送返$50 cash coupon，超低呀!~

之後我哋過返 TimeSquare，因為果度有玩具開倉呀，睇下有無嘢岩買比彤彤玩先~

呢架 kitty 三輪車 ($165)，不過佢對腳未夠長，要大d先岩玩~

但彤彤超心急，見我係度砌緊架車，就不斷大叫，想我比佢玩，砌好後當然要第一時間試下車啦!~

呢一 set Kitty 首飾盒（$95），果枝 mic 有音樂的~

去完玩具開倉，就過埋隔離 Uniqlo 間旗艦店，估唔到又執到好嘢，下面呢幾件衫，每件 $19 咋，又係好低呢~

Food Expo 2013

二零一三年八月十七日     星期六

其實今日都唔想去美食展的，因為彤彤仲細，好驚入到去多人會迫親佢，但老公又想去行下，而我又想入去買榴槤月餅，所以都係去咗，ha ha.....

因為帶埋彤彤嘅關係，我哋唔駛係外圍打圈，可以由特別通道入場，所以好快就入到場了~

我哋先行 3 樓，嘩....... 勁多人，D 路又窄，所以都幾難行，我哋都無乜心機買嘢，之後落返去 1 樓行~

 

 

 

1 樓好行好多，D 路闊D，雖然多人，但都叫做可以行到，又可以行入檔口睇下嘢咁，又有 D 熟食可以買來食下~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

今年我哋由 3 點行到 9 點幾，都唔算買咗好多嘢，一架手推車就可以了~