煲姜醋

早係 10 月頭，奶奶同埋老公的阿姨就已經籌備煲姜醋的了~

先係去買八珍的醋啦，又去買姜，之後又叫姑仔個工人幫手刮姜皮，又要吹乾 d 姜同 d 姜皮留返比我坐月時用來沖涼，之後就要炒姜，同開始煲姜醋，一共煲咗 3 大煲呀，真係辛苦晒各位呢~

第九次見私家內科醫生 (36wks6d)

二零一二年十月廿七日     星期六

今日約咗 11:30am 見盧醫生，我哋準時到達，但要等到 11:45am 先可以入去見盧醫生~

盧醫生見到我，就問返我個情況，我同佢講返，加咗藥之後，在家量的血壓都係差唔多，同埋仍然有頭暈的情況出現~

另外，亦都有同佢提及，QE 果邊覺得我呢個度數的血壓，唔應該會令我出現頭暈的，所以同我抽咗血去驗血色素，睇下會唔會有機係貧血~

之後盧醫生就問我，係乜情況下出現頭暈，同埋出現頭暈時，有無即時量下 d 血壓，睇下有無升高? 我就同佢講，多數都係瞓醒時，準備落床，或者係坐坐下轉姿勢時會出現頭暈，同埋見頭暈時，我都有量過血壓的，都係差唔多，唔會特別高的~

咁廬醫生就先檢查我的下眼皮，佢話 d 血色咁紅潤，應該就唔似係貧血，跟住就幫我量血壓，量咗幾次都係大約 115/70，所以睇落都唔似係因為血壓高而頭暈，同埋聽完我講話多數係姿勢轉換時會頭暈，佢覺得我似係耳水不平衡多 d，佢話好多孕婦到懷孕後期都會有的，而家懷孕期間，無嘢可以做，只係可以減少郁動頭部就可以~

之後廬醫生就問我同咗靳醫生傾順產定開刀未? 我話同佢講返，靳醫生話如果盤骨夠大都可以試順產的，如果唔夠就直接開刀~

盧醫生就同我哋講，以佢個人立場，佢覺得如果我真係好想順產，佢覺得應該返 QE 生會好 d，佢擔心我到時作動時，d陣痛會令我血壓急升，到時係私家比人捉入 ICU 都會襟計，叫我哋考慮清楚~

另外，廬醫生話比佢揀，佢首選一定係揀開刀，因為風險係最低的，但當然都會尊重我的意願~

傾傾下，我又有 d 頭暈，所以就話比廬醫生知，同埋請佢即時幫我量多次血壓，今次量出來都係同頭先差唔多，所以更加肯定我的頭暈唔關血壓事，似係耳水不平衡多 d (因為我一路聽廬醫生講嘢，一路有點頭的)~

仲有就係，我今日有拎埋家中的血壓計來，因為我覺得個血壓計有 d 唔準，成日量出來都偏高，有時又 "cool" 到隻手好緊 wor，所以就想拎埋來比對下廬醫生度出來的度數，同我自己個血壓計的度數岩唔岩，結果相差成 20 度呀，廬醫生話應該我果個血壓計有 d 唔準呢~

同埋廬醫生話，血壓計的運作好簡單，正常係唔會 "cool" 得好緊的，只有佢搵唔到條血管來度的時候，先會不斷收緊，如果個血壓計成日都有呢個情況，就即係開始有問題~

今日同廬醫生傾咗好耐呀，傾咗半個鐘有多，之後廬醫生叫我 2 星期後再返來見到次佢 (如果我未生的話)，睇下仲有乜嘢可以幫到手~

永安 Pre-sales 大減價、荃灣廣場吉之島搬遷大減價及媽媽會禮物

呢排永安又做大減價，當然要去睇下有乜平嘢啦，今次我哋買咗幾樣嘢~

 (電奶揼 - 8 折後 $1592)

原先無諗住咁快買個電奶揼的，因為驚阿 b 唔知到時肯唔肯食人奶，又驚到時我唔知夠唔夠奶比阿 b 食，但見到呢個價錢，真係平見過行貨有咁平的，所以決定買咗先~

 (睡袋 - 7 折後 $170.1)

(仿羊毛衫 - 折後 $51 一件)

(仿羊毛衫 - 12m)

(仿羊毛衫 - 6m)

另外，荃灣廣場果間吉之島要搬，又做緊大減價，所以我哋有時間又過咗去行咗轉，但收穫不大，只係買咗一件衫比阿 b~

 (厚 jacket - 90碼，折後 $57.5)

早幾日收到雪印家庭寄來的禮物，係一本寶寶成長印記~

第十一次政府產檢 - 驗 B 鏈球菌 (36wks4d)

二零一二年十月廿五日 星期四

原先今次的產檢應係 23/10 的，但由於係重陽節的關係，所以就改咗係今日返去~

今日約咗 3:00pm 返去 QE 做產檢，老公都有陪埋我去，因為我哋想問埋 QE d 醫生的意見，睇下我 d 血壓高的問題，會唔會影響我生 b 等等~

我哋大約 3:00pm 就到達，今日勁多人呀，可能之前有日假期的關係，所以將果日的 booking group 埋之後果 1-2 日睇，姑娘話今日下午的都係額外加插的，平時只得上午係有產檢的~

見醫生前又係先驗小便，再磅重同埋量血壓，今日嘅血壓有好正常(127/70)，但我今日都仲係耐唔時有 dd 暈的，所以我有少少懷疑係唔係量錯咗，之後過咗一陣，我又去量多 2 次，但都唔係話好高，只係 141/83 同埋 141/94，真係奇怪~

大約等到 4:10pm 就到我哋入去，姑娘先幫我拎咗 d 分泌，用來 check 有無中到 B 鏈球菌，之後就由醫生來按肚，睇下阿 b 的位置，同埋聽下阿 b 的心跳~

之後我哋就過咗去醫生檯果邊，同醫生傾下我血壓高的問題，但醫生話我 d 血壓都唔係好高，只係偏高 only，不算真正的血壓高，佢話真正的妊娠血壓高係去到 180/100 以上的，同埋佢話睇我而家呢個度數的血壓，應該唔會導致我出現頭暈的的情況，佢估可能有其他原因令我頭暈，所以叫我抽血驗下血色數，睇下會唔會係阿 b 開始大，吸收晒我 d 鐵質，令我出現貧血~

另外我哋又問醫生，到我作動時，會唔會導致我 d 血壓急升，佢話唔排除呢個可能，咁我哋問有無方法可以幫到我，佢就建議我用無痛分娩，但有可以生 b 時唔識用力，要早少少停麻醉藥會好 d，如果再唔得，就可能要緊急開刀云云~

之後醫生就話我而家都 36週有多了，之後的產檢要變為 1 星期一次，叫我哋出返去 5 號 counter 約下次產檢的期，臨出去前，醫生叫我下次記住要問返今日做的 checking 的報告~

之後我哋就落咗去 2 樓抽血，但個抽血員 d 態度好差，手勢更加差，我係 QE 抽咁多次血，未試過見痛的，佢插針果下已經見痛，之後又抽唔到血 wor，就不斷係果個位拉扯咗幾次，先慢慢有 d 血出來，出出下又無血，又再拉扯多幾次，之後又有少少血抽到，如是者比佢拉扯咗好多次，先抽到 1 支血，回家後仲發現條血管谷咗瘀血添~

佈置 bb 床

二零一二年十月廿三日 星期二

今日係重陽節，趁住有假放，就執埋個走佬袋先~

之後見有時間，就開始動手佈置阿 b 張床仔，咁樣攪又攪又整咗 2-3 個鐘，之後諗住係 sofa 休息一陣，就出去行下街同埋食返個 tea 的，點知太攰，竟然瞓著咗，一瞓就瞓咗 3 個鐘，所以今日全日都無出過街呢~

阿 b 你鍾意嗎 ?

第八次私家產檢 (35wks5d)

二零一二年十月十九日 星期五

今日 book 咗靳醫生 7:30pm 的，準時上到去，唔太多人係度等，應該好快就有得睇~

姑娘叫我先驗小便，之後就叫我坐係 sofa 等，再過咗陣，就叫我入去量血壓，唔知係驚定緊張定真係血壓高，量出來竟然係 165/86，姑娘話乜咁高嘅，我當時無出聲，之後就叫我繼續坐係度，下個到我入去睇~

入到去見到靳醫生，我都未出聲，靳醫生已經先出聲話我d血壓好高wor，近排有冇唔舒服，咁我講返近2星期自己在家量血壓都偏高，又有時會頭暈，同埋盧醫生幫我加咗藥比佢聽~



之後佢建議 book 定38週後的開刀日子先，等38週時 check 下盤骨夠唔夠大，如果好多位先揀順產，到時都可以 cancel
個手術室 booking，因為阿B易出，可減少用力而令血壓上升，如果盤骨個位只係剛剛夠位，就開刀生好d~

另外，我又問佢好唔好用無痛分娩，佢唔建議用，因為如果用咗無痛分娩，而子宮頸又開得慢or無乜反應，就要轉緊急開刀，到時又要比多次麻醉師的費用，又要比附加費比佢同醫院，起碼多2萬，唔太值得~

另外，如果作動時已feel到自己有頭痛or頭暈，就去QE生好d，因為入c+生，如果出現抽筋情況，會被送入lCU，保守估計，大約要2萬一日，止少要留2日，條數好襟計，佢覺得唔值~

之後靳醫生就叫我瞓上床，等佢睇下阿 b 而家個情況先~

(阿 B 的心跳
(阿 B 的頭圍)

(阿 B 的肚圍)

(阿 B 的大脾骨長度) 

之後靳醫生幫我照埋阿 b 個 4d 樣，照的時候，阿 b 初時係用隻手遮住咗半邊面的，之後靳醫生拍下我個肚，阿 b 就拎開咗隻手，比我哋睇到佢個樣呀，仲有正面睇添~

今次睇落阿 b 塊面仔無上次咁多肉，但都係有 d 肉地嘅，肥嘟嘟咁，不過靳醫生話阿 b 只係塊面前多 d 肉，個身型都 ok，係中等 size，唔算肥，同埋應該係高妹來的，因為大脾骨大咗個幾星期呀~

而家係 100 個bb 入面，都係大約排 70 度，係中碼偏大 size 的 bb 來~

同埋阿B而家先落咗3份1產道咋，醫生話佢應該唔會咁早出來，而家都成6磅 半，仲有4星期，起碼都7磅 半至8磅 ，聽完佢估阿 b 的重量，我真係有d驚好難生，再加上佢話肥人並不代表盤骨大的~



而家真係好驚2星期後 check 完盤骨唔夠濶，令BB難出來，而令我要開刀；又驚可以順產時，因為太痛而令血壓上升／抽筋，比人捉咗去lCU，唔知幾錢埋單；又驚開刀唔知有幾痛，咁多樣嘢擔心，d血壓想正常都難啦~

二零一二年十月廿日 星期六

唔知阿B係唔係錫住媽媽，今日早午晚量咗3次血壓，都好正常（12x-13x / 7x-8x)，希望可以保持住，直到生咗阿B為止~

 

第四次參加產前講座 - BB Care 「分娩過程及助產減痛錦囊」講座

二零一二年十月廿日 星期六 

上午上完產前運動班，下午又要去聽產前講咗，今次聽呢個講座係由 BB Care 攪的，叫 「分娩過程及助產減痛錦囊」~

老實講呢個講咗真係無乜用，同埋似係 sell 臍帶血血庫多 d lor，最衰係走的時候，要人坐低同佢哋 d sales 傾下計，了解完臍帶血庫的 info，先會比張 coupon 你出門口的 counter 拎禮物~

後來等咗成 20 分鐘都未輪到我哋，又咁岩有媽媽問，話其實唔係想 join 臍帶血的 package 的，係唔係就唔可以拎禮物，個 staff 話唔係，就比咗張 coupon 果位媽媽，跟住其他人見到，就即時話唔聽了，個個行埋去拎 coupon，出門口拎埋禮物就走~

而今次講座所送的禮物，真係一 d 都唔豐富 lor，如果一早知係送呢 d 嘢，同埋個講座的內容又唔得，真係唔會浪費時間去聽呀~

產前運動班第二堂 @ 九龍醫院復康大樓 (35wks6d)

二零一二年十月廿日 星期六 

今朝一早就過咗去九龍醫院，上第二堂的產前運動班，今次係教我哋分娩時的減痛方法，先有一位職業治療師同我哋講解下，孕婦係臨生之前，可以做 d 乜嘢的運動，去幫助易 d 生 bb，另外亦教我哋用呼吸法，去幫助舒緩陣痛時的痛楚~

之後就叫各位準父母就位，教我哋點用呼吸法，又會過來睇下我哋做得岩唔岩，之後又教準爸爸們點樣幫準媽媽按摩~

全堂大約個半鐘，都幾好玩，連老公都有份參與嫁，因為佢要學習為我按摩嘛，仲比職業治療師讚佢幾出力添，ha ha.......

第八次見私家內科醫生 (35wks)

二零一二年十月十四日     星期日

今日約咗 10:30AM 見盧醫生，我哋準時到達，但今日可能唔係好多人，所以只係等咗 5 分鐘度就可以入去見盧醫生了~

盧醫生見到我，就覺得奇怪，點解會早咗返來覆診，就問下近排係唔係有乜唔舒服~

我同盧醫生講返，之前果個星期開始見有少少暈，同埋在家量的血壓好似升咗少少咁，所以今日提早返來覆診（因為QE內科個期係生完後個半月），佢即時幫我左右手都量咗幾次，d血壓真係升咗少少，大約145／95，又按下我對腳，睇下有無水腫，好彩無乜事，之後就問我 d 小便有無泡泡，我話無，咁佢就話都好 d，暫旳未有蛋白尿~

不過佢就要我加藥，由之前每日一粒，變為早晚食一粒，仲叫我有心理準備，可能要開刀生B，因為驚我陣痛時d血壓升得急，叫我下次產檢時，同返幫靳醫生傾下，駛唔駛直接開刀（其實我真係想順產多d的，我有d驚開刀啦，我係果d連打針都怕的人來），加藥後，佢叫我2星期後返去見佢，睇下d血壓有冇降返，如果有降返就唔駛太擔心住~

大約傾咗半個鐘，我哋就出返去，大約 11:15 am 我哋就離開了~

影大肚相 (34wks6d)

二零一二年十月十三日     星期六

今日同老公入咗去屯門影大肚相，由 1 點開始化妝，到差唔多 2 點 3 就化好個妝，化妝小姐都好快手，仲幫我 set 埋我頭添，而家個妝都 ok，都幾自然~

之後攝影師就叫我換條長裙出來先，就開始影我的單人照，之後就叫埋老公一齊影，大約影咗 45 分鐘度，就要換件 bra-top 出來影另一個背景~

著住 bra-top 影相，仲要露晒成個肚出來，初時真係有 d 尷尬的，但影影下 warm up 咗之後就好好多了~

之後又拎埋我哋帶去的道具來影，有 bb衫仔、襪仔、公仔、仲有 d 玩具咁，影完之後就叫埋老公一齊來影，大約影到 4 點到就影晒~

正當攝影師諗住收機的時候，我就問下佢，可唔可以用影樓果 d 貓影幾張 (果度養咗好多隻貓的，其中有 3 隻就周圍行來行去，肥嘟嘟好 cute 的)，當然係無問題啦，所以佢就捉咗其中一隻比較乖 d 嘅貓過來，比我抱住來影幾張先收機~

今日一共影咗 170 張相有多，跟住我就去換衫，攝影師就幫我將 d 相燒晒落 cd，之後比埋尾數，就可以即時拎走 d 相~

而家要回家揀返 10 張相出來，比返間公幫我執相，so far 我哋對 d 相都幾滿意~

血壓高來襲?!

其實 21 週時，第一次去 qe 產檢，已經因為血壓高比醫生即時捉咗入院，好彩我 d 血壓好快就正常返，所以當晚可以出院，之後仲 refer 我去睇埋內科，內科又同我 check 咗好多嘢，都話無乜大問題，唔似係妊娠毒血症，所以佢哋都無嘢可以做到，叫我生完之後個半月返去覆診，再 check 下係唔係本身已經有血壓高，定係有咗先係有血壓高問題~

而家我每次都會帶在家量的血壓表比 qe 同埋私家內科睇的，我就次次返親去 qe 量血壓都會高的，但家中量的血壓同埋係私家內科量的時候，又好正常 wor，所以 qe 同埋私家果邊都覺得我唔係妊娠毒血症，只係 d 血壓唔穩定，好易突然升高，又好快可以回落，就叫我要 keep 住 relax d，唔好比自己太緊張 lor~

但呢排在家量血壓，有時上壓去到 14x，下壓就 8x - 9x，但又唔係 2 樣一齊高 wor，只係其中一樣高，但呢排有時會有少少頭暈，休息一陣就無事，所以去 qe 產檢時無同醫生講，因為我驚比 qe 捉入院，要住到生~

老公就叫我同私家內科果邊講，睇下駛唔駛加藥 (之前 qe 開咗藥比我，每日只食 1 粒)，但我又驚加藥會對阿 b 有影響，原先 c+ 果邊要到 21/10 先返去覆診的，我好唔好提早返去覆診呢 ?

第十次政府產檢 (34wks2d)

二零一二年十月九日 星期二

今日又係約咗 11:00am 返去 QE 做產檢，今日都算太多人，好易就搵到位坐喇~

見醫生前又係先驗小便，再磅重同埋量血壓，今日嘅血壓有少少高(146/88)，不過呢排在家量血壓時，都覺得 d 血壓有少少升高咗，但又未到血壓高的度數，同埋有時又有少少暈咁，所以都打算早少少返去睇盧醫生~

姑娘要我坐一陣再量過，呢次好好多呢 (133/76)~ 呢 2個星期又輕返少少 wor，比 2 星期前輕咗 0.8kg 呀~

等咗一陣，好快就可以見醫生了，大約 11:40pm 就到我睇~

今次又唔同咗醫生見我，我認得呢位醫生，就係上次我因為血壓高，比人捉咗入院，出院前得到醫生簽紙確認果位醫生~

佢先幫我按下個肚同埋子宮的位置，又聽下阿 b 的心跳咁，又問我拎咗我在家量的血壓表來睇，話而家個情況都 keep 得幾好，又問內科果邊有無繼續同我跟進，我話無了，要等生完之後先覆診，不過我就有 keep 住睇私家果邊的~

之後我就比咗阿 b 的 ultrasound 相比佢睇 (係上次個醫生叫我，今次要帶返來比醫生睇的)，佢睇完次後，又無乜嘢講，見佢係部電腦度打咗 d 嘢，之後就比返我了，然後話無乜事就 2 星期後返來做檢查，另外下次會幫我驗埋 B 鏈添~

之後就叫返我出去 book 下次的期，今次 book 期果度得 1 個月等緊，但佢係單非媽媽來的，所以攪咗好耐都 book 到第一次產檢個期，結果我要攪到差唔多 12:20pm 先離開~

砌 bb 床 & Aprica Swing 625 High Chair 送貨

今日係長假期的最後一天，兩公婆一早起床，先清潔阿B張床仔的每一部分，之後就砌好張BB床，然後就等 Jusco 送張 Highchair 來，之後就詳細檢查下每一part 有冇問題，咁就冇咗成朝了，攪完一大輪，個人勁攰呢~

下午就再去埋海馬，訂埋阿 b 張床的床禱，原來今日做國慶優惠，有額外 95折，yeah!~

新玩具 - Nikon P310

一直都想買部 DC 仔，遲d用來比影低阿B的成長同生活點滴~

左揀加揀，考慮買 Nikon P310 定 Canon S110，終於揀定咗買 Nikon P310 了，因為 canon 果部，影紫色的時候，係會出藍色的，雖然 nikon 果部都有少少偏色的問題，但都起碼有少少紫色先，唔會話紫色變咗藍色~

我之前都有諗過買可以換鏡頭的 dc，但因為我已經有單反了 (Canon 500d)，用 dc 仔就係想輕身啫，唔係追求質素，最緊要夠大光圈，所以最後放棄咗，只係買普通的 dc 仔就算~

買 dc 仔除了輕之外，就係方便我父母用，因為 bb 之後會由我父母幫手湊，到時方便佢哋拍低阿 b 的得意樣，比返我哋睇嘛~

 Nikon P3100

 買機送的贈品

產前運動班第一堂 @ 九龍醫院復康大樓 (32wks6d)

二零一二年九月廿九日 星期六 

今朝一早就過咗去九龍醫院，上產前運動班，先有一位職業治療師同我哋講解下，孕婦可以做的產前運動，同埋每一個運動可以舒緩邊方面的不適等等~

之後就叫各位準父母就位，教我哋點去做呢 d 運動，又會過來睇下我哋做得岩唔岩~

全堂大約個半鐘，都幾好玩，連老公都有份參與嫁，因為佢要學習為我按摩嘛~

第七次私家產檢 (32wks5d)

二零一二年九月廿八日 星期五

今日拎咗半日假，因為之前訂果張 sofa 會係今日下午送來，所以之前 book 咗 7:30pm 去睇靳醫生，都要改後少少，改為 8:30pm 先去，因為驚張 sofa 遲咗送來，點知果朝靳醫生診所個姑娘打電話來，話靳醫生有事要早 d 走，問可唔可以 8:00pm 前到，咁我話盡量啦~

好彩張 sofa 5:00pm 度就送咗來，之後就要執返好 d 嘢，攪完一大輪，就等老公放工，然後就過去靳醫生度~

結果都要攪到 8:00pm 先上到去，呢前係前所未有咁快，一上到去等都唔駛等，姑娘就叫我驗小便同量血壓，今日雖然趕趕地咁上到去，但 d 血壓又 ok wor - 140/80，然後就叫我坐係門外，話下一個就到我~

見到靳醫生，佢就問下我有無乜嘢唔舒服，如果無乜特別嘢，就上床睇下阿 b 先~

 (阿 B 的頭圍)

 (阿 B 的肚圍)

 (阿 B 的大脾骨長度) 

 (阿 B 的腳板仔)

 (阿 B 的心跳)

之後靳醫生仲幫我照埋阿 b 個 4d 樣，今次睇到呀，仲有正面睇添 (不枉我之前幾晚，同阿 b 傾計，叫佢唔好再用隻手遮住塊)，不過一睇到阿 b 個樣時，我同老公，仲有靳醫生都一齊話，阿 b 塊面仔咁多肉嘅，好肥嘟嘟 wor，好彩靳醫生話阿 b 只係塊面前多 d 肉，個身型一 d 都唔係巨 b，而家係 100 個bb 入面，大約排 70 度，係中碼偏 size 的 bb 來~





雖然知道靳醫生今日趕時間要走，但都有 d 問題要問下佢，而佢亦都好有耐心咁一一解答~

我問靳醫生，近排好似阿 b 郁得勁咗，個肚又成日硬晒咁，阿 b 會唔會早產嫁?

佢話應該唔會住，因為阿 b 仲係好高的位置，同埋而家阿 b 仲有位郁動，所以有時會轉來轉去，就算真係早產，而家醫家咁昌明，都唔太驚的，不過佢就話如果係早過 36 週作動，就最好佢返政府醫院，因為對 bb 的照顧，政府醫院會好 d~

另外，肚硬果個問題，係因為個子宮係度練習緊，靳醫生話只要係無規則的痛 or 硬，一般都唔駛理佢，話呢 d 叫假宮縮，而真正的宮縮係會痛，同埋好有規律的~

不過靳醫生都叫我，有假官縮時，最好就坐低休息，或慢慢行，千祈唔好急，因為個人越急，就會宮縮得越勁~

聽完靳醫生的解釋，就清楚晒，另外靳醫生話大約 38 週時要同我 check 下盤骨夠唔夠位生，攪到我有 d 緊張添~

之後就出返去等叫名拎藥，同埋 book 埋 3 星期後返來檢查，因為而家接近足月，