第四堂學畫畫

二零一五年七月十四日 星期二


今晚上第四堂畫班，又係我放工返到公公婆婆接彤彤去上堂，今日好準時，去到畫室門口，上一堂嘅小朋友岩岩落堂~



老師出嚟接彤彤入課室，我就同佢講 Bye Bye，之後就返去公公婆婆家先~

夠鐘就落去接返彤彤，彤彤見到我就好開心咁拎住幅畫作跑過嚟，同我哋講係佢畫的，仲話好靚~



老師同我講返，彤彤執筆的手勢唔正確，佢執筆的手勢會令佢隻手好快就攰，所以今堂基本上都係教彤彤點執筆，幅畫大部份都係捉住彤彤隻手畫的~

老師仲話，如果唔趁而家未開始學寫字前，快手改正返，第日真正學寫字時，就好難再改正，同埋會令彤彤覺得寫字 = 易攰，就會唔鍾意寫字，所以叫我在家都張多點提下彤彤，要用正確的手勢嚟執筆~

PN 班結業禮

二零一五年七月十三日 星期一

今日係彤彤 PN 班嘅結業禮，所有小朋友的家長都受邀出席。



雖然結業禮非常簡短，只有45分鐘 (因為今日整個下午，有 3 場結業禮舉行)，但原來小朋友們排練了 3 首歌，來表演給家長們睇。

細聽之下，先知道原來係近排彤彤成日唱的歌，都有成個月的事了，原來小朋友為咗呢次表演，已經練咗成個月，彤彤仲要唱的好投入，又跟歌詞做岩晒動作~





表演完後，小朋友們唔可以離開住，要留係原位比家長們影下相先，等老師叫佢哋可解散，去返父母身邊先離開原有位置，真係好乖好低讚~

之後就分為 3 組，去校園不同的地方影相留念，每個地方有 10 分鐘時間比果組家庭影相。

我哋果組就先去戶外操場，當時係下午 2 點幾，真係好熱下，彤彤只係出嚟一陣，就成頭汗~

























之後我哋就入返禮堂，可以係 backdrop 度排隊影下相~







之後再入返彤彤的班房影相~



彤彤仲話我知，佢個書包平時係放邊度~ (就係相中，下層中間果格右手邊果個位)



彤彤話完我哋知個書包放邊之後，仲拎埋出嚟，住係度添~

影完相，彤彤仲好好手尾咁泊返埋張櫈，老師們真係教得好好呢~





之後係課室內再影下相，又同班主任黃老師影埋合照~



嚟到呢度，結業禮家長參與果部份就完結，家長們要帶住小朋友，係課室門外排隊，小朋友們再一個個入返課室，趁未輪到彤彤，我哋又同佢影多幾張相先~







之後小朋友就繼續上堂，而家長們就可以離開~

有部份小朋友就提早放學，直接跟家長回家，而我哋就比彤彤留係學校，等佢可以同其他小朋友玩多一陣~

探索大自然遊學園 x 動物農荘2015

二零一五年七月十二日 星期日


今朝一早就起床，之後快手食埋早餐，就去搭車入機場博覽館，由於車程要 1 個鐘頭 9 個字，所以我哋去到都已經 11:45 了~

咁遠點解要入嚟? 因為有好嘢玩 lor，就係一年一度的 「探索大自然遊學園 x 動物農荘」，我哋仲約埋表哥仔一齊添，不過佢哋要晏少少先入去~

由於彤彤未夠 3 歲，所以只需買幼童票就得 ($40)，真係好低玩~ 出年就要買小童票，貴好多呢 ($160)~







買完飛，就睇下有乜玩先，e..... 好似都幾多嘢玩 wor~ 可能時間仲係早，唔算太多人，所以我就叫老公陪彤彤排隊玩充氣滑梯先，而我就就去排隊拎預約籌~






原先只係星期五/六入場先有的 Kinder 出奇蛋，原來前 2 日未派晒，今日仲有得派，所以快手去排隊拎埋先，我同老公張飛各一盒，而彤彤果張幼童飛就有 2 盒，仲有幾枝消毒液~



拎完出奇蛋，我就去四圍行下，行到山羊果度，見到就夠鐘派草餵羊，當然就係排住隊先，再 whatsapp 老公，叫佢瀡完滑梯就過嚟我呢邊~



估唔到時間岩岩好，派草條隊岩岩開始郁，老公同彤彤就過到嚟，可以每人拎一束草來餵山羊~



彤彤，點解你擺個咁招積嘅樣出嚟餵羊嘅?!











餵完山羊，我哋就四圍行下，見余仁生果度唔係好多人排隊，就去排下，好快就輪到彤彤玩喇~

估唔到彤彤扮中醫師，又幾似模似樣 wor~















扮完中醫師，就過去另一邊，可以自制一個中藥防蚊包，先揀 3 種草藥，之後再 "中" 碎佢入袋~















之後我就去排隊拎交心寶寶小植物的預約籌，老公就陪彤彤去玩另一條充氣滑梯~

我再去排德國寶開心廚房 DIY 親子烹飪班， 下一場 (2:00) 的 Walk-in 位，足足排了 45 分鐘先排到~



差唔多排到的時間，老公亦都帶住彤彤過到嚟，佢有 2 堤烹飪班的，分別係烘焙班同埋便當班，我哋揀咗後者~





先換好衫先，因為要等埋其他人，所以我哋就係度影下相先~

















講真個活動都安排得幾差下，一場活動的人數 .... 真係多到無人信，絕對唔係佢果張通告/排隊時所講的 20 個名額 (分 2 班，即每班 10 個家庭)，我估最少有 20 個家庭一班，2 班同時進行，即係多咗一倍人?!

大人小朋友都坐 (迫) 得好唔舒服，同埋基本上唔係親子烹飪班 lor，小朋友只係負責落材料/按鈕就完全，之後就拎預先做好的制成品出嚟分比小朋友食，只有一 part 係有親子成份，就係用個鴨仔模，印落塊芝士度~









講真派呢 d 麵同埋紅菜頭汁，就叫便當嗎? 仲要唔好食的，彤彤食一啖就話唔要，只係食咗塊芝士，真係完全失望~









上完堂，就同 d 紙板公仔影埋張相，先去玩其他嘢~





之前拎咗交心寶寶小植物的預約籌，見仲有小小時間，就去食小小嘢休息下先，之後見差唔多夠鐘，就慢慢行過去玩~





先要係紙袋上畫下畫先，再拎埋個盆去揀一棵小菜苗，就有工作人員幫手移植落盆~




之後表哥仔都到咗，我哋就一齊去排除玩美素果個掘金蛋遊戲~

先要扮下嘢影下相先，之後就聽工作人員講解遊戲玩法，係 1 分鐘內掘一隻金蛋~





由於第一次玩掘唔到金蛋，我哋見唔係好多人，就再排多次隊，終於都比我哋掘到金蛋了~

掘唔到金蛋就有本書，掘到就有個牛牛背囊~





之後就一齊去睇小動物，原來彤彤幾鍾意兔仔嫁，睇到唔捨得走~











仲有天竺鼠睇添~









之後老公就排隊同馬仔影相，我就帶彤彤四圍行下，見到巧虎，當然先影張合照啦~





行咗陣，老公打電話比我，話差唔多到，所以就返過去先，等多 2 個家庭就到我哋影~





影完灰馬，見唔係好多人排，又再排多次，因為想同啡馬影埋，ha ha....



之後再同表哥仔一齊去排隊玩另一個充氣滑梯，呢個好好，每人可以玩 4-5 次，所以排耐小小都值得~







睇下彤彤玩得幾開心~







玩完呢個記氣滑梯，我哋都打算回家，而表哥仔佢哋就想玩多一陣先，所以就各有各走了~

臨離開會場前，老公問我仲有無嘢想玩/影相，可以行多一陣，所以我哋就快手行多一圈，主力去影下相，唔再玩 game~





呢個我哋都無去玩到添~



咁岩有巧虎表現，又企係度睇咗一陣~



呢個又係無玩到~



今日同彤彤玩過的充氣滑梯：





呢個又係無玩到~













影完相，我哋就回家了，而彤彤上咗巴士無耐就極速瞓了，到差唔多落車先起身，瞓了超過個半鐘~