尋找兒時回憶 @ 荔園

二零一五年六月廿七日     星期六


係中環港鐵站行出嚟，再上埋行人天橋，已經見到迷你版嘅摩天輛，當然要影下相啦~









過咗天橋，落返地面，好快就去到新荔園的入口，我哋就係度影咗一陣相先入場~







講真，咁多年後，再去荔園，已經唔係細個果時的感覺了~

細個時對荔園嘅記憶已經好褪色，好多都唔太記得了，呢隻大象仲有小小印象，但真同假象，已經唔同感覺啦~






呢隻恐龍，講真我真係唔太記得，ha ha....







是日彤彤最開心嘅時刻，就係一個個檔口噴水的一刻，因為天氣真係好熱，我哋晚上先過去，已經無太陽曬住，仍然係熱到爆，所以奉勸大家都係晚上先過去會好 d~










呢個機械人又係乜嚟呢? Sorry, 我真係無印象~









原先彤彤想玩旋轉木馬的，但我見好似無安全帶，驚彤彤會跌落地，所以就無比佢玩~






原來呢個叫小露寶，名就成日都聽到，我都係而家先知佢係咁嘅樣，ha ha.....





















係場內行咗圈，零消費~ 點解?? 機動遊戲唔岩我哋，攤位遊戲，貴就預咗，問題係禮物唔好得，同 AIA 果個無得比，Sorry~

行完一圈就離開，沿住海皮行返去碼頭果邊搭車，海皮對出嘅夜景幾靚，所以都係度影咗一陣相~









行行下，有個地攤老闆，拎住呢個會發聲/光同識轉嘅玩具比彤彤玩，彤彤見到梗係鍾意啦，所以老公就買比彤彤，承惠 $40~









之後我哋就行去碼頭果邊搭車回家了，返到去成個人散晒咁，今日真係太熱了~

四大長佬茶聚 + CWB 行街街

二零一五年六月廿七日     星期六

今朝一早，我哋就約四大長佬一齊飲茶，所以老公就去搵位先，有位就 call 我出門口~

由於過去一年，大家都有唔同嘅嘢忙，所以都就唔岩時間一齊飲茶，難得今日大家都得閒，所以就出嚟吹下水食下嘢，好快就過咗 2 個鐘~

之後，公公婆婆就回家，我哋就送爺爺嫲嫲搭車，我哋就過 CWB 行下街~

我哋先行皇室堡，原先諗住可以去影埋 Little Twins Star & My Melody，點知有 function 攪緊，唔比人行入去影相，真係有點失望~

唯有係皇室堡行下街先啦，行咗荷花、反斗城、同埋一 d 童裝店~

之後就過咗去 Time Square 行街，露天廣場有卡通人物影，就同彤彤影下，之後就上去行下 Zara 同埋馬莎，之後就搭港鐵過去中環，向新荔園進發~