第一次參加產前講座 - 雅培媽媽學堂 (13wks0d)

二零一二年五月十三日 星期日

今日係有咗阿 b 之後，過嘅第一個母親節，而今日阿 b 岩岩滿咗 13 週，所以我都係 facebook 公佈咗呢件事，之前真係忍口忍得好辛苦呢~

除此之外，今日仲係我同老公第一次去聽產前講座 - 雅培媽媽學堂，係佐敦的逸東酒店聽，個講座分咗 2 部份，有 2 個講者講，內容幾豐富，我哋學咗唔少嘢呀~

由於今日係母親節的關係，雅培仲安排咗 d 鮮花派比在場的準爸爸，等佢哋可以即場獻花比在場的準媽媽，真係好窩心呢~

除咗學咗唔少嘢外，今日出席的媽媽，仲有禮物收添呀，係 d 產品的試用裝，仲有 bb 的衫仔同手套仔咁，正呀!~

第二次見私家內科醫生 (12wks6d)

二零一二年五月十二日 星期六

今日第二次見盧醫生，盧醫生叫我搵埋老公陪埋我，因為佢想解釋返我個情況比老公知~

盧醫生解釋完之後，我就拎咗我在家量的血壓表比佢睇，睇完之後，佢覺得又似多咗佢的估計，因為我在家量的血壓好正常，亦都算穩定~

之後佢即時幫我量多次血壓，又係好正常，佢又幫我即時用我新買的血壓計對比一下，睇下我個血壓計準唔準，發現量出來的度數差唔多，應該無問題~

之後盧醫生就幫我抽咗 5 支血，同埋叫我留埋小便，就可以走得了~

二零一二年五月十四日 星期一

盧醫生診所的姑娘打電話比我，話報告出咗了，大致正常，盧醫生話唔駛特登返去睇報告，話我一個月後，我再去覆診時先解釋比我知~

第一次見私家內科醫生 (12wks1d)

二零一二年五月七日 星期一

今日第一次見盧醫生，因為自從有咗 bb 之後，我 d 血壓就偏高, 所以靳醫生 refer 我去睇佢的~

第一次見面盧醫生好詳細咁問咗我有乜問題，又問下我平時的生活習慣、工作情況、家族有無高血壓等等~ 盧醫生之後仲解釋咗血壓高對孕婦同 bb 有乜影響，同埋唔同的血壓高，會有乜嘢併發症等~

傾完之後，都差唔多過咗 20 分鐘，佢就幫我量下 d 血壓，但出奇地一 d 都唔高，仲好正常添，所以佢估計我 d 血壓好易受自身情緒而影響 (e.g. 見到醫生會突然升高咗、遇到一 d 開心/唔開心的事又會有影響等等)，亦即係話我 d 血壓係比較波動，唔夠穩定，但呢個只係初步估計，要 check 下身體機能有無受血壓高而影響先知佢的估計岩唔岩，仲有要我每日早晚都要量血壓，然後 mark 低比佢睇下~

盧醫生叫我星期六朝早返來覆診，要空肚抽血去驗肝/腎功能，同埋睇下我在家時量的血壓係點~