敗家 shopping 之廚房浴室改善工程

呢排好敗家，買咗好多嘢，但買咗的嘢又好似有 d 唔等駛咁~ (老公都有提出呢個疑問 )

上個星期日行 megabox 的吉之島，買咗個電蒸籠 ($250)，買的時候老公問我係唔係真係咁有需要，果時我都唔係幾肯定真係有需要，不過為咗可以滿足我的購買慾，所以好肯定的答咗好有需要~

用咗一個星期，我真係覺得無買錯，因為真係好方便，一次過可以蒸熱 3 碟餸，而且仲係好短時間就 ok(大約 20 - 25 分鐘)，真係極度推薦各位 blogger 去買返個呀~

尋日陪表哥去睇樓，果個業主整得個廚房好整齊，有好多不锈鋼架掛晒係牆上面，好善用空間啦~

我睇過之後，都心郁郁想將我哋的廚房都整一下，所以等老公放工之後，我哋就去咗上海街行下睇下，結果買咗成千蚊返來~

老公今朝好早就起咗身，仲幫我鑽咗幾個 "lone"，我即時將尋日買返來的嘢掛上廚房的牆上~

連浴室都買咗個架，終於都可以丟咗舊果個生锈架喇~