悠閒星期日 + 二叔公生日食飯

二零一五年三月十五日     星期日

 

由於晚上要去荃灣食飯，再加上我同彤彤都有小小感冒，所以今日都無特別去街，只係中午時，一家人出去飲下茶~

 

其實飲緊茶時，彤彤都有小小想瞓教的了，所以我哋快手飲完茶，就回家瞓下先~

 

 

 

瞓醒後，就準備換衫出門口，去荃灣同二叔公一家食生日飯~

 

 

食飯時，彤彤仲同表哥玩得好開心添~

 

 

Playing @ Victoria Park

二零一五年三月十四日      星期六

 

同彤彤一齊揀完相，老公都趕到過嚟 CWB 喇，我哋會合完之後，就帶彤彤去維園玩下放下電先~ 

 

咁岩有一家人係度吹 Bubble ，好多小朋友都行埋去玩，彤彤當然唔執輸，行埋去玩埋一份啦~

 

 

 

 

 

 

 

 

 

 

 

之後開始人多，我哋驚其他小朋友會撞到彤彤，所以就帶彤彤去玩滑梯~

 

 

 

 

 

 

 

 

 

 玩咗大約 45 分鐘，我哋就搭車去太古行下街，再食埋飯就回家~

Piggy Ducky Studio 揀相

二零一五年三月十四日     星期六

 

約咗今日上 Piggy Ducky Studio 揀相，但老公今朝要去見工，趕唔切 2 點去到 CWB，所以就由我帶埋彤彤上去揀相~

 

原來上星期影咗 143 張相，要揀 20 張相，其實唔太難，因為有好多係重複 pose ，仲有部份係笑得太誇張，或者係食餅時食到嘴仔都有餅碎，呢 d 就一定唔會揀啦~

 

另外，我哋同彤彤嘅合照，因為果日彤彤唔多合作，影出嚟嘅相嘅效果麻麻，我都無揀到~ 所以揀咗半個鐘度，就完成任務~ 唔講咁多住，去相先~

 

 

呢張相，彤彤笑得好開心，所以我揀咗呢張做 8 寸相架嘅相~

 

揀呢張係因為彤彤個表情好趣怪，好似好嬲咁，ha ha....

 

唔知點解第一眼見到呢張相，就好鍾意，覺得影到彤彤好似一個少女咁，好 pure~

 

 

 

 

 

 

 

 

 

 

 

 

 

 

 

 

見到彤彤手上拎住什麼嘛? 係餅餅呀，果日全夠餅餅，彤彤先肯合作影埋呢件衫咋，好彩影出嚟效果都幾好~

 

 

 

彤彤: 我似一朵花嘛?

 

 

PN School Picnic @ Ma On Shan Park

二零一五年三月十三日     星期五

 

彤彤轉咗新學校無耐，就收到通告，將會係 3 月份有親子旅行，我哋當然係會參加啦~

 

2 大人 1 小朋友，承惠 $550 ，其實都有點貴，但我哋都想陪下彤彤玩下，貴都無法啦~

 

早上 8:45 準時返到學校，先係課室內等齊人先，呢個時間，好多家長都拎相機出來影相，當然我哋都有影埋一份啦~

 

 

 

 

頂帽係學校派的，但彤彤唔多鍾意戴帽，所以只係戴住影咗張相就算了~

 

 

準時 9:15 就上車，準備出發到馬鞍山公園喇!~

 

 

大約坐咗 35 分鐘，就到達馬鞍山公園喇!~

 

 

係公園入口位置，先影張大合照，之後就慢慢行入公園~

 

 

行到去草地，就等齊人一齊玩下遊戲~

 

 

 

 

先係唱遊~

 

 

 

之後就要跳上紙上，鬥快去到終點~

 

 

 

 

 

 

又一齊玩彩虹傘~

 

 

 

 

 

 

 

 

 

 

最後係玩親子遊戲，要面貼面、額頭貼額頭、Pat Pat 貼 Pat Pat 咁影相~

 

 

 

 

玩完集體遊戲，就可以自己解散，一小時後係落車位集合~

 

我哋先係公園範圍周圍行下，又影下相咁~

 

 

 

 

 

 

 

之後就行埋海濱大道~

 

 

 

 

 

 

 

 

 

 

 

再行埋上去暸望台同埋迷宮~

 

 

 

 

 

 

最後就行去兒童遊樂場，比彤彤放下電~

 

 

 

 

 

 

 

 

 

一小時好快就過去，之後就搭車入西貢食海鮮餐~

 

 

 

食飽後，有大約半小時自由活動時間，我哋係酒樓樓下撞到彤彤班主任 - 王老師，當然要問下彤彤平時上堂嘅情況啦~

 

王老師話彤彤食嘢進步咗，初初返學時 "筆" 到成身都係都食唔到，而家雖然仲有 "筆" 瀉嘅情況，但已經可以自行進食了~

 

另外，王老師話彤彤返學時，唔肯將書包放係書包架上，老師叫佢放返好，彤彤仲會掩面扮唔知，王老師叫我哋係家中要多點訓練下佢~

 

同王老師傾完後，我哋就係附近行下影下相~

 

 

 

 

 

又帶彤彤睇咗好大條嘅魚~

 

 

 

 

 

 

 

之後就去埋新開嘅火山探知館~

 

 

 

 

 

之後就搭車返學校，回程途中，大部份小朋友都瞓晒，當然彤彤係其中一份子啦~

 

大約 2:30pm 就返到學校，之後就各自解散~