星期六開工日

二零一三年十二月七日     星期六

 

因為公司有新 System 要係下星期一 roll-out，所以今日要返工公司做定準備工作；而老公就因為要去考試，唔得閒睇住彤彤，所以今日彤彤要由公公婆婆睇住~

 

因為工作關係，今日無得同彤彤出街，真係好唔開心呀，所以一放工，我哋就返咗公公婆婆食飯，我仲買咗彤彤鍾意食嘅蛋糕作為補償，老公又同彤彤玩騎膀馬，彤彤仲玩得好開心添~

 

大本型一週年

二零一三年十二月六日     星期五

 

又到星期五，但明天要返工，所以今晚就同老公同埋彤彤過去大本型食飯，適縫今年係大本型一週年紀念，所以商場整咗條聖誕老人村，仲有 102 個聖誕老人係商場嘅唔同地方添~

 

 

 

 

 

 

 

 

 

 

 

 

 

 

 

 

 

 

 

 

為食豬

彤彤自從踏入一歲後，開始為食了，見到我哋食嘢，佢都要食埋一份，食過岩口味，仲會不停問我哋拎來食，又會罵人比得慢添~

 

另外，我哋嘗試加入小量食鹽落去彤彤嘅食物度，彤彤即時愛上食粥、粉、麵、飯，唔似之前咁，食兩啖就唔肯再食~

 

 

 

 

 

 

 

 

蛋糕係彤彤嘅至愛，次次都食到停唔到口，近掛仲愛上食煨蕃薯添~

 

 

 

 

 

 

 

 

何潤東簽名會 @ Megabox

二零一三年十二月一日     星期日

 

同彤彤參加完爬行比賽，我哋就過咗去 Megabox，睇下何潤東個簽名會完咗未，估唔到仲未完 (即係佢簽咗成 2 個鐘了)，我就即時迫埋去睇下可唔可以影到佢相，因為我真係好鍾意睇佢做嘅台劇嫁~

 

何潤東真人比上鏡更靚仔，更加 Man，又好高大，仲好 nice 添~

 

 

 

 

 

 

 

 

 

 

 

 

 

 

 

BB 日記爬行比賽 + Hello Kitty & Friends in Russia @ Langham Place

二零一三年十二月一日     星期日

 

之前幫彤彤報咗名參加 BB 日記舉辦嘅爬行比賽，所以今日就準時 3:45 到達場地登記~

 

 

今次彤彤又係抽到中間位置嘅賽道，心諗都係輸梗了，因為佢實會掛住八卦隔離線嘅 BB，ha ha.....

 

開始比賽前，大會有 10 分鐘時間，比各位參賽者熟習場地，估唔到彤彤見到 d 大波波，竟然會追住來爬，仲爬得好快添~

 

 

 

 

 

 

 

 

 

 

熱身完畢後，正式比賽，今次彤彤初時都係坐係度唔郁，但佢見隔離線果位 BB 開始爬，佢又爬埋一份，用咗 47 秒，一口氣爬去終點 (之前果幾次都未能完成賽事的)，仲到得小組季軍添 (彤彤呢組嘅冠軍，拎咗全場總冠軍)~

 

完成比場後，可以有紀念品拎返，同埋可以同米奇 & 米妮影相~

 

 

 

今日仲有特別嘉賓嚟咗，就係久未露面嘅劉小慧，頒獎比全場總冠、亞、季軍，仲抽出 lucky draw 的得獎者添~

之後我哋出返旺角朗豪坊影 Kitty，點知影影下，彤彤竟然瞓著咗@@