Summer GOGOGO 雪糕大本型

二零一五年七月廿六日 星期日

尋晚係大本型換咗 2 張遊戲卷，但因為太夜 d 遊戲 close 晒無得玩，所以彤彤好失望呀，不斷講話瀡滑梯無得玩呀??

所以我哋今日再去多次大本型，由於 d 遊戲要 2 點先開始，所以我哋就先去食 lunch 先，之後先去排隊玩~

第一個玩嘅遊戲係雪糕大滑梯，可能時尚早，只係排咗 5 分鐘度就可以玩喇~



睇下彤彤玩得幾開心~























臨尾工作人員哥哥仲拖住彤彤一齊瀡落嚟添~



之後就去玩夏日水上飄，呢個要等得耐小小，大約等咗 20 分鐘先有得玩~

彤彤係個大 bubble 入面，玩得好開心呀，不斷大笑，又話彤彤係 bubble 入面游水水呀~

言語表達課程第二堂 + 屯門時代廣場 + 大本型

二零一五年七月廿五日 星期六

彤彤今日上第二堂言語表達課程，我哋準時 12 點去到，之後彤彤就自己入課室，而我同老公就去食 Lunch 先~

食飽後，就去接返彤彤。老師落堂後，就同我講返，彤彤大致上可以跟到老師講嘅句子，而且講嘢時，個口都夠大，發音清楚~

但就發現佢答問題時，會出玩口吃嘅情況，即係：我...我...我想...我想... 咁樣，老師話因為佢識嘅詞彙太小，又或者係仲未清楚點樣用言語去表達，又或者太心急想表達但又未搵到合適嘅用詞，就會做成口吃嘅現象~

老師叫我哋要盡快改政呢個問題，唔係習慣咗之後，佢可能以為要咁講嘢先岩，就好難再去改~

之後因為要幫公公去 PCCW 拎 Coupon，所以我哋行過去灣仔果邊~

拎完 Coupon 後，行落樓下，又諗唔到去邊好，咁岩見到有巴士去屯門，所以我哋就決定去行下街，橫掂都有一段時間無去過~

搭巴士好快就入到去屯門，我哋先去食個 Tea，之後就再去街，行過屯門時代廣場，彤彤見到 d 公仔，拉住我行埋去，所以就幫佢影下相，佢仲係咁扮 d 公仔嘅表情同動作添~





































原先想影埋屯門市廣場嘅 Toys Story 嘅，點知勁多人排隊，加上又無帶相機出嚟，所以就無影到，之後行多陣，我哋就搭 62X 返油塘食飯~

去到大本型，見到有好多遊戲玩，所以就問下職員點先有得玩，原來要係 2 間店鋪消費合共滿 $200 (每間最少 $50，要用電子貨幣，即 visa/eps/八達通)，就有 2 張遊戲卷，每張卷可以玩一個遊戲/活動(佢有幾個揀的，但有 d 玩完會濕晒身)，原先仲有一杯 milk top送的，但我哋今日太夜先去到，今日名額已經滿晒~

我哋就係度影下相先，之後就去食飯同埋買小小嘢，點知換好遊戲卷後，d 遊戲已經 close 晒，好彩 d 遊戲卷聽日仲可以用，所以我哋就留返聽日玩啦~

第五堂學畫畫

二零一五年七月廿一日     星期二

今日係第五堂學畫畫，未夠鐘入課室前，又影下相 send 比老公睇下先~






老師今日教小朋友畫水果，下邊呢幅就係彤彤嘅作品，似哈密瓜嗎?