馬年大年初四

二零一四年二月三日     星期一

 

攪乜鬼，今日又係好熱呀，仲熱過尋日，所以今日又要著短袖衫去拜年，Crazy!~

 

長假期嘅最後一日，今日又係要出去拜年，今日去老公個阿姨家拜年，係馬鞍山果邊~

 

由於我哋平時好少去馬鞍山，所以今日特登早少少過去行下街街先~

 

呢度都幾多嘢行，有馬鞍山廣場同埋新港城，而且 2 個商場都算大，我哋都行咗成 2 個幾鐘呀，之後就行過去阿姨家中拜年~

 

 

 

 

 

 

 

 

 

 

 

 

 

 

去到阿姨家中坐咗一陣，傾咗一陣計，我哋就帶彤彤落樓下公會玩下先，順便訓練下佢行下路~

 

 

 

 

 

 

玩咗大約一個鐘，就上返阿姨家中，等夜少少一齊出去食飯~

 

食飽飯後就回家，係搭車途中，覺得彤彤隻手仔有少少熱，回家後同佢探熱又好正常，希望佢唔係開始作病啦~

 

馬年大年初三

二零一四年二月二日     星期日

 

嘩..... 今日真係好熱呀，點解過年都會有 26-27 度咁熱嫁? 真係要著短袖衫先得，Crazy!~

 

今日我哋又要出去拜年，因為奶奶果邊的親戚，會來奶奶家中團拜，所以我哋當然要出席啦~

 

不過我哋就先去新都城食 lunch 先，之後再行下街，買下嘢先返去奶奶家~

 

 

 

 

 

 

 

 

 

 

 

 

 

 

 

 

返到奶奶家中，因為有部份長輩未到，所以我要頂住一陣腳先，老公就陪彤彤玩，等長輩們到齊，我就陪彤彤瞓咗一陣，之後就一齊出去食飯了~

馬年大年初二

 

二零一四年二月一日     星期六

 

今日係大年初二，又係忙碌嘅一日~

 

今日先去我父母家食開年飯，仲叫彤彤同公公婆補影返張合照 (因為尋日唔記得影)~

 

 

食飽飽後，坐咗一陣，就出發去老公的舅父家拜年，之後就過去酒樓，一齊同奶奶果邊嘅親戚團拜 + 食飯~

 

點知彤彤去到酒樓就瞓了，一瞓瞓咗 3 個半鐘，到我哋入席先起身，真係爽呀!~

 

 

馬年大年初一

二零一四年一月三十一日     星期五

 

恭喜發財，祝各位身體健康，事事順景，馬年行大運!~

 

今日係大年初一，當然要四出去拜年啦，今年我同老公都係初五就要開工，所以初一至初四日日都要出去拜年，仲忙過返工呀!~

 

先講返今日的行程，我哋先去我父母家拜年，之後就返去老爺奶奶家食飯，之後又會合返我父母，去我爸果邊的親戚家團拜~

 

出門前，當然要派利是比彤彤先啦，祝彤彤快高長大、聰明伶俐、聽教聽話~

 

 

 

出發，第一站係我父母家，過到去拜年後，傾咗一陣計，又要出發去老爺奶奶家中食飯~

 

今日姑仔一家無過來，因為佢哋要返男家果邊拜年，所以表哥都無過來，彤彤就拎咗表哥仔 d 車仔玩住先~

 

 

但今日實在係太熱，所以彤彤都熱到出晒汗，結果要除咗件唐裝衫先，仲著住件底衫收爺爺嫲嫲封利是添，多謝晒!~

 

 

食咗飯後，幫彤彤著返件唐裝衫，同嫲嫲影張相，之後我哋又要去下站了~

 

 

之後我哋去了我二叔家拜年 + 團拜，坐咗一陣之後，班長輩們要開枱打麻雀，我哋就同彤彤落樓下公園仔玩下，睇下彤彤玩得幾開心~

 

 

 

 

 

 

 

 

 

 

 

玩咗一個鐘度，就返上去二叔家，彤彤亦都玩到攰晒，一瞓就瞓咗 2 個幾鐘，瞓到我哋食埋飯，準備離開先起身~

 

 

年三十團年飯

二零一四年一月三十日     星期四

 

今日老公有得收早，但我就無得放早，所以都係要等埋我先去接彤彤~

 

今晚先返去奶奶家食團年飯，見早早地，所以我哋就去坑口行下街先，之後再搭車去奶奶家~

 

行到咁上下，見東港城 d 佈置幾靚，就求其影咗幾張相，先去搭小巴~

 

 

 

 

 

 

 

 

 

 

之後返咗老爺奶奶家食團年飯，今年我哋無出街食，改係家中食盤菜，唔駛同其他人迫嘛~

 

回家後，我哋比咗 2 封壓歲錢利是比彤彤，彤彤應該唔知係乜來，只係見有 2 張紙就即時拎上手係咁玩~