冬至 2015

二零一五年十二月廿二日 星期二

今日冬至正日，所以放工後就去公公婆婆家接埋彤彤，一齊過去爺爺嫲嫲家食飯~



飯後，爺爺嫲嫲，仲有 2 位姑姐都送咗聖誕禮物比彤彤，佢呢次真係大豐收呀!~

爺爺生日食飯

二零一五年十二月廿日     星期日

今日係老爺生日，所以一家大細都出去食飯慶祝下，今次我哋又係去皇家太平洋酒店食 Buffet~ 

祝老爺生日快樂、身體健康~



有得食蛋糕，彤彤就最開心喇~







而我都食咗唔少海鮮~











右上角嘅雞蛋仔好好味，又脆又香蛋味~



呢個炸雪糕都唔錯~





食飽飽後，我哋臨走時，係門口 Bar 枱見到呢間姜餅屋幾靚，所以就叫彤彤坐係度影下相~







出到門口，彤彤見到棵細細地嘅聖誕樹，叫我幫佢影相，Mami 當然樂意咁做啦~





我哋搭巴士回家時，彤彤突然話要影相，小意思當然無問題啦~

Disneyland 20151219

二零一五年十二月十九日     星期六

上一個星期去 Disneyland 遇著落雨，好多嘢都玩唔到，所以今日見幾好天氣 (雖然有點凍)，所以又去咗去 Disneyland，不過因為我哋遲咗起床，攪到差不多 2:30pm 先入到去~

正式開始去玩之前，先同彤彤影下相先，Disneyland 四圍都佈置得好有聖誕氣氛，當然要同彤彤影下相啦~









































之後老公就同彤彤去玩小飛象，而我就去拎 Winnie the Pooh 嘅 Fast Pass，好彩仲有得拎咋，如果多人嘅時候，2 點前應該已經派晒 lu~





之後就行去夢想花園搵卡通人物影相~





但今日好多人排隊影相呀，所以我哋只係排咗同 Pooh Pooh 影相咋，其他果 d 下次再排過啦~



排隊時，原先無無聊聊，諗住同彤彤玩下自拍的，點知正當我襟制果下，彤彤就鍚咗埋嚟，Mami 好冧啦，ha ha.....



排咗半個鐘，終於都可以同 Pooh Pooh 影相喇~

初時彤彤有小小驚，但都肯行埋去一齊影，後嚟 Warm-up 咗之後，彤彤仲鈕鍚咗 Pooh Pooh 一啖添~















之後我哋就去咗玩小小世界，仲要唔駛排隊直入添~ 可惜我哋坐完一 Round 後，正想唔落船，再坐多 Round，竟然多咗好多人排隊，所以我哋都無再去排多次了~







坐完船，我哋就行去 Toy Story 果邊，好多人排隊玩降傘同埋彈弓狗，所以二選一，我哋揀咗玩降傘~



由於未夠鐘玩 Winnie the Pooh，所以老公就同彤彤玩咗旋轉木馬先~







之後再一齊去玩 Winnie the Pooh~





然後再行返出去小鎮大街睇魔雪奇緣亮燈儀式，可惜太多家長比 d 小朋友騎膀馬，我哋企後面係乜都睇唔到，只能夠聽聲吧了~

睇完亮燈儀式，我哋都搭車回家了~