血壓高來襲?!

其實 21 週時，第一次去 qe 產檢，已經因為血壓高比醫生即時捉咗入院，好彩我 d 血壓好快就正常返，所以當晚可以出院，之後仲 refer 我去睇埋內科，內科又同我 check 咗好多嘢，都話無乜大問題，唔似係妊娠毒血症，所以佢哋都無嘢可以做到，叫我生完之後個半月返去覆診，再 check 下係唔係本身已經有血壓高，定係有咗先係有血壓高問題~

而家我每次都會帶在家量的血壓表比 qe 同埋私家內科睇的，我就次次返親去 qe 量血壓都會高的，但家中量的血壓同埋係私家內科量的時候，又好正常 wor，所以 qe 同埋私家果邊都覺得我唔係妊娠毒血症，只係 d 血壓唔穩定，好易突然升高，又好快可以回落，就叫我要 keep 住 relax d，唔好比自己太緊張 lor~

但呢排在家量血壓，有時上壓去到 14x，下壓就 8x - 9x，但又唔係 2 樣一齊高 wor，只係其中一樣高，但呢排有時會有少少頭暈，休息一陣就無事，所以去 qe 產檢時無同醫生講，因為我驚比 qe 捉入院，要住到生~

老公就叫我同私家內科果邊講，睇下駛唔駛加藥 (之前 qe 開咗藥比我，每日只食 1 粒)，但我又驚加藥會對阿 b 有影響，原先 c+ 果邊要到 21/10 先返去覆診的，我好唔好提早返去覆診呢 ?