迪士尼 6 折大掃貨

二零一五年十一月七日      星期六

又到銀卡特選週末，仲要做會員購物 6 折，當然要入場啦~

我哋一早 10:30am 就達迪士尼，好彩唔算多人，所以就係門外影咗一陣相先入場~













入到迪士尼，我哋就兵分兩路，老公同彤彤去排隊玩遊戲，而我就去 shopping~

據老公講，排隊玩遊戲都唔多人，好多都係排 15-20 分鐘就可以玩，所以佢哋用咗 1 個鐘 15 分鐘，就玩咗小飛象、旋轉木馬、彈弓狗同跳降傘，原先排緊玩第二轉跳降傘的，但彤彤話肚餓，所以佢哋就過返嚟小鎮大街 d shop 搵我 (因為彤彤嘅食物係我度)~

趁住彤彤食緊嘢，老公就陪住彤彤先，而我就去排隊比錢，之後就寄存咗 d 貨，晚上離園時先去取回~

今日彤彤就收穫豐富喇，買咗好多 Frozen 嘅衫裙，仲有米奇裙，同埋小玩具，當然我同老公都各自買咗一件衫~ (下面再講戰利品啦)

買完第一輪戰利品，我同老公都有點攰，所以就去火箭餐廳食下嘢先，今日會員仲有 8 折添~



買咗 2 個餐同埋一個雪糕，彤彤就開心喇，又有得食薯條同埋雪糕，睇下佢食得幾開心~







食飽飽後，我哋又兵分兩路，老公同彤彤去玩太空飛碟同埋巴斯光年，而我又去 shopping 下先，之後再係巴斯光年 shop 會合~





之後就一齊去排隊玩揸車，可能開始晏咗多人，我哋排咗成個鐘先可以玩呀~





揸完車，彤彤話想坐船，所以又行返過去小小世界果邊，點知都要排成 20 分鐘先有得玩~





之後再一齊去排隊玩跳降傘，好彩都唔算好多人，但都要排超過半個鐘~











由於彤彤知道我驚，所以升到上最高時，仲主動拖實我隻手，叫我唔駛驚~ (真係好窩心呢~)



玩完跳降傘，老公就話想玩迷離莊園，但我唔太鍾意果架電動車 Fing 嚟 Fing 去，所以我就去 shopping，老公就同彤彤去玩，估唔到唔駛 30 分鐘就玩完出返嚟~

玩完迷離莊園，我哋又夠鐘去玩 Winnie the pooh 喇 (之前拎咗 Fast Pass)，所以又要行返過去～



今日真係大滿足呀，全日仲玩咗 10 個遊戲，依次序係小飛象、旋轉木馬、彈弓狗、跳降傘、太空飛碟、巴斯光年、揸車、小小世界、跳降傘(今日跳咗 2 次)、迷離莊園同埋Winnie the pooh)，仲買咗好多嘢添！~

我哋離場時大約 7:45pm，岩岩完咗晚間巡遊，小鎮中街勁多人~





之後就要去門口領回寄存咗嘅嘢，點知一排就排咗 40 分鐘，超慢 (其實唔係好多人排緊)~



好彩我排隊拎嘢時，彤彤岩岩瞓咗，行到去港鐵站時，先岩岩瞓醒~



回到家都差不多 10 點了，再影埋 d 戰利品先~

下面呢 2 件係 Winnie the pooh shop 買的(3 折後分別 $62.4 & $74.4)，買4 件就 3 折，所以我同人夾份，每人買 2 件，所以大家都可以用 3 折買到心頭好~




下面呢幾件，全部都係小鎮大街 d shop 買的~

原價 $248，6 折後 $148.8~


原價 $178，6 折後 $106.8~


原價 $95，6 折後 $57~


原價 $298，6 折後 $178.8~


原價 $108，6 折後 $64.8~


原價 $57，6 折後 $45.6~


原價 $215，5 折後 $107.5~ (買比老公的)


原價 $275，6 折後 $165~ (買比我自己的)


下面呢 2 件，小鎮大街 d shop 得返中碼以上，所以我哋行咗好多間 shop 先搵到 xs 同埋 s 碼~

原價 $328，6 折後 $196.8~


原價 $368，6 折後 $220.8~


彤彤見到呢條裙，即時話好靚呀，多謝媽咪，仲話要即時試下著添~